Ana səhifə / Kriminal / 10 ildə əmanətlərin həcmi necə dəyişib?

10 ildə əmanətlərin həcmi necə dəyişib?

Merkezi Bank 1Axır 10 ildə əhalinin banklardakı əmanətlərinin həcmi necə dəyişib? Transparency.az Mərkəzi Bankın saytında buna nəzər salıb.

2006-cı ilin sonunda əhalinin banklarda saxladığı əmanətlərin məbləği 826,4 milyon manat olub.

2007-ci ildə əmanətlərin həcmi 1 milyard 468,4 milyon manata, 2008-ci ildə 1 milyard 903,7 milyon manata yüksəlib.

2009-da əmanətlərin məbləği 431,2 milyon artıb və ilin sonunda 2 milyard 334,9 milyon manata çatıb.

2010-cu ildə 694,9 milyon manat, 2011-ci ildə 800,3 milyon manat artım qeydə alınıb. 2011-ci ilin sonuna olan məlumata görə, əhalinin banklarda saxladığı əmanətlərin həcmi 3 milyard 830,1 milyon manata qalxıb.

2012-ci ildə vəsait daha 932,9 milyon artıb və 4 milyardı aşıb: 4 milyard 763 milyon manat.

2013-cü ilin sonuna artım 1 milyard yarımdan çox olub, əmanətlərin ümumi həcmi 6 milyard 419,6 milyon təşkil edib.

2014-cü ilin sonuna olan məlumata görə, banklarda 7 milyard 86,4 milyon manat həcmində əmanət saxlanıb.

2015-ci ildə artım cəmi 3,1 milyon təşkil edib, saxlanan vəsaitin ümumi həcmi 7 milyard 89,5 milyon olub.

İki devalvasiyanın ardınca 2016-cı il yanvarın 1-nə banklarda saxlanan əmanətlərin həcmi 9 milyard 473,9 milyon manat təşkil edib.

Mərkəzi Bankın ən son məlumatına görə, əhalinin banklarda saxladığı əmanətlərin həcmi iyun ayının 1-nə 7 milyard 566 milyon manat olub. Hesabata əsasən, bir ayda 119 milyon manat azalma var. Mayın 1-nə banklarda 7 milyard 685 milyon manat əmanət olduğu göstərilmişdi.

2016-cı ilin əvvəlinə əhalinin banklarda 8 milyard 643,3 milyon manat əmanəti olub, sonrakı aylarda düşmə qeydə alınıb. 5 aylıq azalmanın həcmi 1 milyard 77,3 milyon manata çatıb.

İyunun 1-nə əmanətlərin 1 milyard 447,5 milyon manatı milli valyuta ilə, 6 milyard 118,4 milyon manatı xarici valyuta ilə qoyulub.

Həmçinin oxuyun

Bakıda atasının təhqirlərinə dözməyən 19 yaşlı qız bıçağa əl atdı

Adam bıçaqlamaqda təqsirləndirilən 19 yaşlı Günel məhkəmə önündə törətdiyi cinayətə görə cavab verir. O, özgənin …

Bir cavab yazın