Azinforum.az İnformasiya Portalı Onlayn Xəbər Portalı
2020-ci ilin yanvar-iyun aylarında əcnəbilər tərəfindən və ya onların iştirakı ilə 163 cinayət hadisəsi törədilib.
Dövlət Statistika Komitəsindən bildirilib ki, bu dövrdə Daxili İşlər Nazirliyinin məlumatlarına əsasən, 13 min 310 cinayət qeydə alınıb. Bu da 2019-cu ilin ötən dövrü ilə müqayisə 1,6 faiz azdır.
Məlumata əsasən, əhalinin hər 100 min nəfəri hesabı ilə qeydə alınmış cinayət hadisələrinin sayı əvvəlki dövrlə müqayisədə 3 faiz azalaraq 132 olub. Onlardan 59,1 faizi az ağır, 27,4 faizi böyük ictimai təhlükə törətməyən, 13,5 faizi ağır və xüsusilə ağır cinayətlərə aiddir.
Cinayətlərin strukturunda 2646 hadisə şəxsiyyət əleyhinə, 5339 hadisə iqtisadi sahədə törədilən, 4661 hadisə ictimai təhlükəsizlik və ictimai qayda əleyhinə, 661 hadisə dövlət hakimiyyəti əleyhinə (Onlardan 193 hadisə korrupsiya cinayətləri və qulluq mənafeyi əleyhinə olan digər cinayətlər), 3-ü isə digər cinayətlərdir.
Qeydə alınmış həyat və sağlamlıq əleyhinə olan cinayətlərdən 1502-si qəsdən sağlamlığa yüngül zərər vurma, 296-sı qəsdən sağlamlığa az ağır zərər vurma, 184-ü qəsdən sağlamlığa ağır zərər vurma, 114-ü qəsdən adam öldürmə və adam öldürməyə cəhd, 13-ü əzab vermə, 10-u ehtiyatsızlıqdan adam öldürmə, qalanları isə digər cinayətlərdə aiddir.
