Bazar ertəsi , Oktyabr 26 2020
Ana səhifə / Kriminal / Əmisi oğlunun arvadını qaçırdığı üçün öldürülən şəxsin videosu yanlış çıxdı (VİDEO)

Əmisi oğlunun arvadını qaçırdığı üçün öldürülən şəxsin videosu yanlış çıxdı (VİDEO)

Qubada əmisi oğlunun arvadını qaçıran şəxsin döyüldüyü əks olunan görüntülər yalan çıxıb.

BAKU.WS xəbər verir ki, ATV-də yayımlanan “Bizimləsən” verilişində bəzi məqamlar məlum olub. Efirə qoşulan şəxs öldürülən Elşad Əsədovun qardaşı olduğunu söyləyib. O bildirib ki, yayılan videodakı şəxs qardaşı deyil.

Sözügedən kadrlar bir neçə il əvvəl baş verən hadisənin görüntüləri olub.

Qeyd edək ki, oktyabrın 19-da rayon sakini olan 25 yaşlı qadının itkin düşməsi barədə məlumat daxil olub. Araşdırmalarla qadının həmin gün ərinin qohumu tərəfindən öz razılığı ilə qaçırıldığı müəyyən edilib.

Oktyabrın 22-də həmin şəxs bu əməli törətdiyinə görə qadının yaxın qohumları tərəfindən yaşadıqları kənd ərazisində döyülmüş və o, aldığı xəsarət nəticəsində hadisə yerində ölüb. Bu ağır cinayəti törətməkdə şübhəli bilinən bir neçə şəxs saxlanılıb.

Faktla bağlı Cinayət Məcəlləsinin müvafiq maddəsi ilə cinayət işi başlanılıb.

Qeyd edək ki, qaçırılan qadın Aynur Əsədovadır, onu qaçıran, sonradan döyülərək öldürülən şəxs isə Elşad Əsədovdur.

 

Həmçinin oxuyun

Bakıda bank işçisindən iş yoldaşına qarşı cinayət — Təfərrüat

Bakıda dələduzluq etməkdə ittiham olunan 1978-ci il təvəllüdlü Səbuhi Əhmədovun cinayət işi üzrə məhkəmə prosesi …