Rusiyadan ANS-lə bağlı müraciət

Azərbaycanın Rusiyadakı Diaspora Təşkilatı Azərbaycan respublikasının prezidenti İlham Əliyevə ANS-lə bağlı müraciət ünvanlayıb. Müraciətdə bildirilir: ”Iyul ayının 19-dan bəri cox nigaranıq. Ona gorə ki, Azərbaycanla baglı müntəzəm, keyfiyyətli, obyektiv məlumat aldıgımız, sevimli ve etibar etdiyimiz ANS baglanıb.Bunu da biz, Rusiyada yaşayan çoxsaylı həmvətənlərimizin adından tam səmimiyyət və məsuliyyətimizlə söyləyə bilərik ki, günün əsas xəbərlərini ANS televiziyasından alırdıq.

Bu il aprel ayında Ermənistanın silahlı təxribatı nəticəsində başlanan doyuşlər zamanı ANS bizi cəbhədən, ən qaynar noqtələrdən birbaşa xəbərlərlə təmin edir və başqa kanallara peşəkarlıq nümunəsi göstərirdi. Bu döyüşlərdə Sizin iradəniz nəticəsində qazanılmış ugurların cəmiyyətə düzgün çatdırılmasında bu kanalın rolu diqqəti cəlb etdi”. Müraciətin sonunda deyilir:” Rusiyada yaşayan çoxsaylı azərbaycanlılar, informasiya mübarizəsində yeri görünən, ANS-lə bağlı yaranmış vəziyyətlə əlaqədar Sizə müraciət etmək qərarına gəldik. Azərbaycan dövlətçiliyi qarşısındakı xidmətləri, ölkəmizin həqiqətlərinin dünya ictimaiyyətinə çatdırılması və beynəlxalq informasiya mübadiləsindəki müstəsna rolunu nəzərə alaraq, ANS Müstəqil Yayım və Media Şirkətinin fəaliyyətinin bərpa edilməsi xahişi ilə Sizə müraciət edir, məsələnin müdrik qərarınızla öz müsbət həllini tapacağından əminliyimizi ifadə edirik”.

Azinforum.az