Oktyabrın 14-də Naxçıvan şəhərində “Dövlət orqanları və media arasında əlaqələrin genişləndirilməsi” mövzusunda konfrans keçirilib.
AZƏRTAC xəbər verir ki, Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun təşkilatçılığı ilə Naxçıvan Dövlət Texniki Kollecinin akt zalında keçirilən tədbirdə Bakı və Naxçıvan şəhərlərində fəaliyyət göstərən aparıcı kütləvi informasiya vasitələrinin rəhbərləri, eləcə də muxtar respublikadakı idarə və təşkilatların mətbuat xidmətlərinin əməkdaşları iştirak ediblər.
Qeyd edək ki, konfransda iştirak edən Bakı şəhərində fəaliyyət göstərən aparıcı kütləvi informasiya vasitələrinin rəhbərləri oktyabrın 14-15-də Naxçıvan Muxtar Respublikasının gəzməli-görməli yerləri, tarixi abidələri, təhsil, səhiyyə, mədəniyyət, istehsalat müəssisələri ilə tanış olacaqlar.