Cümə axşamı , Mart 28 2024
Ana səhifə / Köşə Yazarları / “Mətbuatın ikiqat gücü var” – Siyavuş Novruzov

“Mətbuatın ikiqat gücü var” – Siyavuş Novruzov

Bu gün Yeni Azərbaycan Partiyasının qərərgahında 22 iyul milli mətbuat günü münasibətilə tədbir keçirilib.

Qafqazinfo” xəbər verir ki, tədbirdə çıxış edən YAP İcra katibinin müavini, Milli Məclisin deputatıSiyavuş Novruzov Azərbaycanda mətbuatın rolundan danışıb. O qeyd edib ki, Azərbaycan mətbuatının digər ölkələrin mətbuatından fərqi ondan ibarətdir ki, Azərbaycanın Dağlıq Qarabağproblemi, bir milyondan artıq qaçqın və məcburi köçkünü var və Azərbaycan mətbuatı bütün bu məsələlərin işıqlandırılmasında, dünya ictimaiyyətinə çatdırılmasında mühüm rol oynayır.

S.Novruzov bildirib ki, hər il mətbuatın bayramı ümumxalq bayramıdır. O bildirib ki, hər kəs ilk olaraq məlumatı mətbuat vasitəsi ilə alır. S.Novruzov vurğulayıb ki, Azərbaycanda dövlət mətbuata kifayət qədər dəstək göstərir: “Ümumilli lider Heydər Əliyev yenidən Azərbaycanda hakimiyyətə gəldikdən sonra mətbuatın dünya miqyasında bir nümunəsini göstərdi və bu gün də bu ənənə davam edir. Bu yaxınlarda Türkiyə hərbi çevrilişə cəhd ilə əlaqədar mətbuatın rolunu gördük. Polisin, xalqın nə qədər gücü varsa, mətbuatın ikiqat gücü var”.

S.Novruzov bildirib ki, 90-cı illərdə Azərbaycanda dövlət çevrilişinə cəhd olunanda Heydər Əliyevmətbuat vasitəsilə xalqa müraciət etdi və beləliklə çevrilişə cəhdin qarşısı alındı: “Bu gün Türkiyədə də bu metoddan istifadə etdi. Belə məsələlərdə mətbuatın rolu əvəzolunmazdır”.

S.Novruzov əlavə edib ki, dövr inkişaf edir və mətbuat da zaman keçdikcə təkmilləşir: “Azərbaycanda keçirilən bütün seçkilərdə Yeni Azərbaycan Partiyası mətbuata kifayət qədər arxalanıb. Bu il də ölkəmizdə referendum müəyyənləşib və ona görə də bu il Azərbaycan mətbuatı üçün çox aktual olacaq”.

Sonda YAP adından bir sıra jurnalistlər mükafatlandırılıb.

Həmçinin oxuyun

Jurnalistləri noqdauna salan gənc, xanım direktor…

Təhsildə vəziyyət bərbaddır. Bunun əksini kimsə sübut edə bilməz. Xüsusilə də paytaxt məktəbləri direktorlar üçün …

Bir cavab yazın