Cümə axşamı , Mart 28 2024
Ana səhifə / Köşə Yazarları / Mətbuat Şurası jurnalistlərə yeni gödəkcə payladı

Mətbuat Şurası jurnalistlərə yeni gödəkcə payladı

Bu gün Mətbuat Şurasında jurnalistlər üçün yeni təhlükəsizlik gödəkcələri paylandı. Tədbirdə iştirak edən musavat.com saytının əməkdaşı xəbər verir ki, MŞ sədri Əflatun Amaşov media kapitanlarının və jurnalistlərin iştirakı ilə yeni gödəkcə barədə məlumat verdi. 
 
Dedi ki, MŞ ilə Daxili İşlər Nazirliyi uzun müddətdir ki, layihə həyata keçirir: “Küçə aksiyaları zamanı monitorinqlər aparmaq üçün qruplar yaradılır. Ayrı-ayrı redaksiyalarda çalışan jurnalistlər də aksiyaları işıqlandırırlar. Bu zaman onların fəaliyyətini və təhlükəsizliyini təmin etmək üçün qrupun üzvləri orda olur. Məqsəd elə olur ki, jurnalistlər orda olanda heç bir problem yaranmasın. Təhlükəsizlik gödəkcələri də buna xidmət edir”.
Ə.Amaşov dedi ki, bu dəfə üçün 300 gödəkcə hazırlanıb və hər redaksiyaya, onların küçə aksiyalarına münasibət dərəcəsinə görə, gödəkcələr paylanacaq: “Aktiv redaksiyalara daha çox verəcəyik. Bu günkü tədbir gödəkcələrin ilk partiyası barədə məlumat vermə xarakteri daşıyırdı. Ümumilikdə bu gün hər redaksiyaya bir ədəd gödəkcə paylanacaq”.


Həmçinin oxuyun

Jurnalistləri noqdauna salan gənc, xanım direktor…

Təhsildə vəziyyət bərbaddır. Bunun əksini kimsə sübut edə bilməz. Xüsusilə də paytaxt məktəbləri direktorlar üçün …

Bir cavab yazın