Azinforum.az İnformasiya Portalı Onlayn Xəbər Portalı
Bu gün Bakı Apellyasiya Məhkəməsində ANS Müstəqil Yayım və Media Şirkətinin Milli Televiziya və Radio Şurasına (MTRŞ) qarşı daha səkkiz inzibati iddiasına baxılıb.
“Report”un məlumatına görə, ayrı-ayrı hakimlərin sədrliyi ilə keçirilən proseslərdə qərarlar elan edilib.
Qərarlara əsasən, ANS-in apellyasiya şikayətləri yenə təmin edilməyib. Qərarlar dəyişdirilmədən saxlanılıb.
Beləliklə, bu həftə ANS-in MTRŞ-ya qarşı 15 iddiasına baxılıb.
Qeyd edək ki, MTRŞ 23 dekabr 2015-ci il tarixində inzibati tənbeh vermə haqqında qərarlar çıxarıb. Həmin qərarlardan ANS Səbail Rayon Məhkəməsinə müraciət edib. Məhkəmə həmin qərarları ləğv edərək, inzibati xəta haqqında işə yenidən baxılması üçün Milli Televiziya və Radio Şurasına göndərib. Daha sonra ANS Müstəqil Yayım və Media Şirkəti həmin məhkəmə qərarlarından apellyasiya şikayəti verib.
Xatırladaq ki, daha əvvəl də Bakı Apellyasiya Məhkəməsində ANS-in MTRŞ-nın 23 dekabr 2015-ci il tarixində inzibati tənbeh vermə haqqında yeddi qərarından verilmiş apellyasiya şikayətlərinə baxılıb. Məhkəmə ANS-in apellyasiya şikayətlərini təmin etməyib.