Cümə axşamı , Mart 28 2024
Ana səhifə / Köşə Yazarları / İcra başçısı baş redaktorun rayona gəlişinə niyə qadağa qoyub?

İcra başçısı baş redaktorun rayona gəlişinə niyə qadağa qoyub?

Fikrət Fəraməzoğlu: «Dekabrın 2-də Masallıda olacam, əgər Rafil Hüseynovun cəsarəti varsa, məni həbs etdirsin»

«Masallının icra başçısı Rafil Hüseynov mənim rayona gəlişimə qadağa qoyub». Bunu  Azinforum.az saytına açıqlamasında  jam.az saytının  baş redaktoru Fikrət Fəraməzoğlu deyib.

O bildirib ki, belə qəribə xəbərdarlığı bu gün alıb və yaxın dostları ondan xahiş ediblər ki, diqqətli olsun.

«Dostlarım zəng edib bildirdilər ki, icra başçısı Rafil Hüseynov onun haqqında yazdığımız tənqidi yazılardan bərk qəzəblənərək, mənim Masallıya gəlişimə qadağa qoyub. Bununla bağlı yerli hüquq-mühafizə orqanlarının əməkdaşlarına da təlimat verib ki, rayona gedəcəyim təqdirdə bir bəhanə ilə saxlanılmağımı təmin etsinlər».

Fəraməzoğlu qeyd edib ki, əslən Masallı rayonundan olduğundan orada baş verənlərlə bağlı mütəmadi olaraq jam.az-da məlumatlar yayımlayıb:

«Ora mənim doğulduğum, böyüdüyüm, ailəmin, yaxınlarımın, uzaqlarımın yaşadığı yerdir. Rayonun problemlərini həlli üçün onları işıqlandırmağı da özümə borc bidlmişəm. Bu Rafil Hüseynovdan də, Qəzənfər Ağayevdən də əvvəl olub və bu gün davam edir. Sabah da davam edəcək. Lakin Rafil Hüseynov digər icra başçılarından fərqli olaraq, dözümsüz hərəkətləri ilə yanaşı, həm də kəmsavadlığı ilə diqqəti çəkir. Bu adam Prezidentin yerdəki səlahiyyətli nümayəndəsi olaraq qanunun aliliyini təmin etmək əvəzinə, qanunu ayaqları altına atır. Ona heç kim o ixtiyar və səlahiyyəti verməyib ki, heç bir əsas olmadan hansısa vətəndaşı evinə, doğmalarına getməyi qadağan etsin. Görünür, bu adam MTN-də işləyən bacısı oğlundan Eldar Mahmudovun taktikalarını öyrənib. Yoxsa, bir icra başçısı ağlını o qədər itirməlidir ki, rayon sakinini doğma elinə, obasına, evinə gəlməsini qadağan etsin».

Fəraməzoğlu daha sonra «Dekabrın 2-də Masallıda olacam, əgər Rafil Hüseynovun cəsarəti varsa, məni həbs etdirsin» deyə bildirib.

JAM.AZ-ın baş redaktoru vurğulayıb ki, Rafil Hüseynovun əsas məqsədi maksimum dərəcədə onun tənqidi yazılardan imtina etməsinə nail olmaqdır. Lakin Fikrət Fəraməzoğlu vurğulayır ki, əgər Masallının icra başısı belə fikirdədirsə, onu  görməyəcək. «Rafil Hüseynov artıq üçüncü dəfədir məni məhkəməyə verib. Birinci dəfə 5000 manat cərimə etdirib. İkinci dəfə 1 il iş kəsdirərək, islah işlərinə cəlb edilməmə nail olub. Hazırda bununla bağlı apelyasiya şikayətimizi hazırlayırıq. İki gün öncə isə yenidən məhkəməyə verərək, 3000 manat təzminat tələbi qaldırıb. Nəzərimcə, Rafil Hüseynov əyləncələrdən başı ayılmayan oğlunun xərclərini mənim hesabıma qarşılamaq fikrinə düşüb».

Fikrət Fəraməzoğlu onu da qeyd edib ki, Masallı Məhkəməsinin hakimi ilə əlbir olan Rafil Hüseynovun onunla bağlı yeni planları olduğundan da xəbər tutub və bununla bağlı dəqiqləşdirmələrdən sonra ictimaiyyətə geniş açıqlama verəcək.

Azinforum.az olaraq,  Masallı rayon İcra Hakimiyyəti ilə əlaqə saxladıq. Lakin  xidməti telefonlara cavab verən rəsmilərdən heç biri bu məsələ ilə bağlı açıqlama vermək istəmədi.

Həmçinin oxuyun

Jurnalistləri noqdauna salan gənc, xanım direktor…

Təhsildə vəziyyət bərbaddır. Bunun əksini kimsə sübut edə bilməz. Xüsusilə də paytaxt məktəbləri direktorlar üçün …

Bir cavab yazın