Şənbə , Avqust 24 2019
Ana səhifə / Köşə Yazarları / Ziya Məmmədovun saytları Ramil Usubovu “vurub”?

Ziya Məmmədovun saytları Ramil Usubovu “vurub”?

Daxili İşlər Nazirliyi sabiq nəqliyyat naziri Ziya Məmmədovun nəzarətində olan xəbər saytlarında nazir Ramil Usubova və DİN-ə qarşı kampaniya aparılması ilə bağlı yayılan xəbərlərə reaksiya verib.

Qurumun Mətbuat Xidmətinin rəisi, polis polkovniki Ehsan Zahidov qeyd edib ki, belə iddialar həqiqəti əks etdirmir:

“Belə bir yalan və əsassız iddia ilə bağlı bildirirəm ki, Daxili İşlər Nazirliyinin digər dövlət qurumları ilə yanaşı keçmiş Nəqliyyat Nazirliyi ilə də bir çox sahələr üzrə faydalı və səmərəli əməkdaşlıq əlaqələri olub. Eyni zamanda, hörmətli Ziya müəllimin istər nazir vəzifəsində olduğu dövrdə, istərsə də indi cənab Ramil Usubovla qarşılıqlı hörmətə əsaslanan çox səmimi münasibətləri olub və bu indi də davam edir.

Hər gün KİV-ləri yaxından izləyən birisi olaraq tam əminliklə deyə bilərəm ki, guya sabiq nəqliyyat nazirinin nəzarətində olduğu iddia edilən hansısa xəbər saytının daxili işlər nazirinə qarşı qərəzli münasibətinə rast gəlməmişəm və bu barədə heç bir məlumat da bizə daxil olmayıb.

Bir daha qeyd edirəm ki, belə iddialar həqiqəti əks etdirmir və jurnalist təxəyyülünün məhsulundan başqa bir şey deyil. Ona görə də hörmətli media nümayəndələrindən xahiş edirəm ki, hər hansı bir məsələ ilə bağlı, xüsusən də dövlət məmurları barədə yazı yazanda yoxlanılmamış informasiyalardan, necə deyərlər, ara söhbətlərindən istifadə etməsinlər. Onsuz da belə səpkili yazılar dövlət məmurlarımızın aralarında olan xoş münasibətə kölgə sala bilməz”.(Qafqazinfo)

Həmçinin oxuyun

Avropalaşan Naxçıvan- Ədib İSAQOĞLU

Bir nəfər müsavatçı tanışımın Naxçıvan haqqında məlumatsızlığı, məni bu yazını yazmağa vadar etdi. Tanışımın mənə …

Bir cavab yazın