Ana səhifə / Köşə Yazarları / Vahid Mustafayev kütləvi ixtisarlara başladı – Məşhurlar ANS-dən getdi

Vahid Mustafayev kütləvi ixtisarlara başladı – Məşhurlar ANS-dən getdi

ANS şirkətlər qrupunun prezidenti Vahid Mustafayev devalvasiya ilə bağlı rəhbəri olduğu qurumlarda ciddi ixtisarlara başlayıb.

” Azinforum.az ” AzNews.az-a istinadən xəbər verir ki, V.Mustafayev “Bakı film” kinostudiyasından və “Yaradan” prodakşndan 26 nəfəri işdən çıxarıb. Bəziləri isə öz hesablarına məzuniyyət götürüb.

İxtisarlar eyni zamanda ANS televiziyasında da aparılır. Bəzi layihələr bağlanır, layihədə çalışan əməkdaşlar isə TV-dən uzaqlaşdırılır. Məlumdur ki, artıq bir neçə tanınmış sima – şoumen Kamran Həsənli və telekanalda yayımlanan bir neçə verilişin müxbir-prodüseri olmuş Afət Rahilqızı TV-ni tərk edib. Səbəb kimi isə, şirkətdə yaranmış maliyyə çətinliklərinin olduğu deyilir.

Bundan əlavə Xoşqədəm Hidayətqızının “Səni Axtarıram” verilişinin ANS-ə keçmiş komandasının üzvləri də artıq TV-dən ayrılıblar. Onlardan bəziləri yenidən ATV-yə qayıdıb.

Məlumata görə böhranla bağlı ixtisarlar Vahid Mustafayevin şəxsi biznesində də özünü göstərir. Onun bəzi obyektlərinin bağlanma təhlükəsinin olduğu bildirilir. Məsələn, qeyd olunur ki, V.Mustafayevə məxsus olduğu bildirilən məşhur “All Star” elektrik mağazasının işçilərinin yarısı işdən azad olunub. Mağazanın yaxın vaxtlarda fəaliyyətinin tam dayanacağı gözlənilir.

Qeyd edək ki, manatın ikinci devalvasiyasından sonra Vahid Mustafayev ANS-də “Nəzər Nöqtəsi” verilişində geniş müsahibə ilə çıxış etmişdi. O, devalvasiyanın insanların həyat tərzinə ciddi təsir etməyəcəyini, əksinə bu prosesin dövlətin xeyrinə işləyəcəyini bildirmişdi.

***

“Qafqazinfo”ya daxil olan məlumata görə, uzun müddətdir anspress saytında işləyən, mədəniyyət yazarı Zülfiyyə Qurbanova da ixtisara düşənlər sırasındadır.

Həmçinin oxuyun

Jurnalistləri noqdauna salan gənc, xanım direktor…

Təhsildə vəziyyət bərbaddır. Bunun əksini kimsə sübut edə bilməz. Xüsusilə də paytaxt məktəbləri direktorlar üçün …

Bir cavab yazın