Çərşənbə axşamı , İyun 25 2019
Ana səhifə / Köşə Yazarları / Siyasi məhbus Mqer Yeqiazaryanın ölümü və Avropanın “demokratik” sükutu…

Siyasi məhbus Mqer Yeqiazaryanın ölümü və Avropanın “demokratik” sükutu…

Siyasi riyakarlıq və ikili standartlar məkanı – Avropa Parlamenti Rusiya tarixçisi İvanov Avropanı “siyasi hüquqlar qəbirstanlığı”adlandırırdı.

Hələ ötən əsrin 70-80-ci illərində Avropa dövlətlərində həbsxanalar siyasi məhbuslarla dolu idi. Bu gün də heç nə dəyişmir, sadəcə dünyaya demokratiya “dərsi” keçən Avropa bu istiqamətdə digər dövlətlərə təsir mexanizmlərini öz əllərində cəmləyə biliblər: Avropa Parlamentindən tutmuş insan hüquqlarının “müdafiəsi” ilə məşğul olan digər təşkilatlara qədər… Heç şübhəsiz ki, Avropa təsir mexanizmlərini hər dövlətə qarşı işə sala bilməz, çünki müəyyən məqsədlə hərəkətə gətirilən bu mexanizmlər gözlənilməz nəticələr doğura bilir ki, bu da sonda özlərini çətin situasiya qarşısında qoyur. Avropadan Azərbaycan kimi müstəqil siyasət yürüdən dövlətlərə qarşı yönələn bütün qərəzli hücumlar daim əks effekt verib. Hazırda həbsdə olan Mehman Hüseynovla bağlı Avropa Parlamentinin ortaya qoyduğu mövqe olduqca absurd idi. Təsəvvür edin, dünyanın aclıq aksiyası keçirən ən məşhur siyasi məhbusları məhz Qərbdə, Avropada böyük təzyiqlərlə üz-üzə qalıblar: K.Doherti (73 gün), B.Sends (66 gün), M.Hurson (44 gün), P.Ohara (61 gün), M.Devin (60 gün), J.McDonnell (61 gün) və s. Bu adamların böyük qismi həbsxanada aclıq aksiyası keçirərkən vəfat ediblər. Amma bu “sirr” Avropadan kənara çıxmadı, ölən siyasi məhbusların cəsədləri soyumamış avropalı liderlər KİV-lərdə yenidən insan hüquqlarından, demokratiyadan danışmağa başladıblar. Susmadılar! Mətbuat konfranslarında siyasi məhbusların ölümləri ilə bağlı verilən suallara “barmaq” göstərərək cavab veriblər. Və nəhayət… Azərbaycanda süd və süd məhsulları yeyərək guya 13 gün aclıq aksiyası keçirən Mehman Hüseynovla bağlı nə baş verdi? Avropa Parlamenti hansı mövqeyi ilə gülüş obyektinə çevrildi? Ölkəmiz əleyhinə böyük bir məkrli kampaniyaya start verildi.O zaman Avropa Parlamentinə sual olunur: ötən il dekabrın 5-dən Ermənistanda Nubaraşen həbsxanasında aclıq elan etmiş (52 gün) Haynews.am saytının rəhbəri, Ermənistan qartalları: Vahid ermənistan partiyasının sədr müavini Mqer Yeqiazaryanın həbsxanada ölümünə niyə susursunuz!? M.Yeqiazaryan məhz siyasi fəaliyyətinə görə Ermənistan hakimiyyəti tərəfindən təqib və təzyiqlərə məruz qalıb, sonda isə qondarma ittihamlarla həbs edilib. İndi özünüz diqqət yetirin, olmayan bir məsələyə, saxta oyuncaqların biabırçı “aclıq” aksiyasına görə Azərbaycanı birbaşa hədəfə alan Avropa Parlamenti Ermənistanda baş vermiş daha ağır bir hadisəyə göz yumur, reaksiya vermir. Bu qərəzin, siyasi riyakarlığın və ikili standartların səbəbi nədir? Aclıq aksiyasının ən “orijinal” formasına imza ataraq süd məhsulları ilə qidalanıb kilolarla çəki alan Mehman Hüseynova görə hay-həşir salan Qərb siyasətçiləri, beynəlxalq təşkilatların nümayəndələri Ermənistanda həqiqi aclıq aksiyası keçirərək həbsxanada ölən M.Yeqiazaryanla bağlı nə üçün susurlar!? “Demokrat” dediyiniz Paşinyanın apardığı əndrabadi siyasət üzündən Ermənistanda saysız-hesabsız insanlar həbsə atıldı, siyasi fəaliyyətinə görə insanlar təzyiqlərlə məruz qalırlar, bu bəs eləmir?Azərbaycanlı “qəribə” casuslarİngilislərin “Qəribə casus”adlı bir filmi var, o qədər də məşhur olmayan, lakin dərin təfəkkür və psixoloji paradokslar üzərində hazırlanan filmdə gənc oğlan ölkəsinin maraqlarına zərbə vurmaq üçün xarici kəşfiyyat orqanları ilə əməkdaşlıq qurur. Səbəbi çox sadədir: cinayətkar arvadının həbsxanada ağır xəstəlikdən ölüm xəbəri bu gənc oğlanda hökumətə qarşı dərin kin-küdurət, qəzəb hissi yaradır. İngiltərədə vəkil işləyən gənc məhkəmə prosesləri zamanı tez-tez düşmən dövlətin tanınmış fikir adamlarından və ictimai-siyasi xadimlərindən sitatlar gətirir: məhkəmə sistemini məqsədli şəkildə rüsvay edir, düşmən dövlətdə insan hüquq və azadlıqlarının daha ciddi şəkildə qorunduğunu iddia edir. Nəticədə bu gənc oğlan elə casusluq etdiyi dövlətin xüsusi xidmət orqanları tərəfindən ifşa edilir və öz vətənində ömürlük həbs cəzasına məhkum olunur… Və sonda İNTİHAR! Sözümü nəyə gətirirəm, mətləbdən yayınmayım. Fikir verirsinizsə, şəxsi həyatlarındakı uğursuzluqlardan doğan depressiyadan, düşdükləri anormal vəziyyətdən çıxmaq üçün müxtəlif  bəhanələrlə ölkəmizi tərk edən, özlərinə “siyasi mühacir” deyən bir qrup adam da “Qəribə casus” filmindəki gənc oğlanın yolunu gedirlər. AXCP-Müsavat və digər bu kimi radikal siyasi təşkilatların funksionerləri  uzun müddətdir ki, özlərinin nəzarətlərində olduqları mətbu orqanlarda, sosial şəbəkələrdə Paşinyandan ard-arda sitatlar gətirir, onu dövrünün ən böyük “demokratı” kimi qələmə verirlər. Hətta Əli Kərimli Paşinyanın “möhtəşəm” addımlarını təqdir etmək üçün sosial şəbəkələrdə canlı yayınlar edir, dil boğaza qoymur. Kimə və nəyi izah etməyə çalışırsan ay Kərimli, özü də düşmən dövlətdən, həmin dövlətin oyuncaq liderlərindən sitatlar gətirməklə!? Sizin ki həbsxanada öləniniz, acından qalanınız və küçədə yatanınız yoxdur!Maşallah, 4 mühafizəçi, Dübəndidə villa, şəhərin ən yaxşı yerində mənzil, oğul İngiltərədə, ABŞ-da keyf edir, öz altında da ən son model Mazda CX-7. Aldığınız qrantların hesabatını mitinqlərdə təxribatlar törətməklə, dövlətin, ən üst adamların ünvanına söyüşlər yağdırmaqla verirsiniz. Xalq sənin kimisinə inanmaz axı, son mitinqdə əyninə geyindiyin paltonun 1000 avro qiyməti var. İndi nə edək, səni xalq içindən çıxmış lider kimi qəbul edək? Hakimiyyətdə olduğunuz illərdə qohum-əqrəbalarınız bütün sahələrdə total ozbaşınalıqlara imza atdılar. Kərimli, elə sən özün həyat yoldaşını Prezident Aparatında şöbə müdiri vəzifəsinə təyin elədin, BDU-ya qəbul sırf  İsa Qəmbərin kurasiyasına verildi, hər mövsüm çantalarla pul onun evinə daşındı. Qısa müddətdə ölkənin ən mənzərəli yerlərində istirahət mərkəzləri tikdirdin. Bu gün də “ana müxalifət” və “baş cəbhəçi”sən… Bir izah elə görək, qrant alıb qapısında bulandığın Avropaya niyə səslənmirsən ki, Ermənistandakı hadisəyə də münasibət bildir!? Heç düşünürsənmi ki, Avropa nə üçün bizdə baş verən şoulardan faciə düzəldir, düşmən dövlətdə baş verən daha ciddi hadisələrə isə niyə münasibət bildirmir? Özündə hünər tap, Avropanı ittiham elə, qorxma pulunu kəzməzlər! Yeqiazaryanın ölümü məni qəti narahat eləmir, məni incidən bu biabırçı riyakarlıqdır ki, Ermənistanla eyni bulaqdan su içənlərin qazına gəlib hakimiyyət iddiasına düşmüsüz, insanların hissiyatı ilə oynayırsız! 25 ildir AXCP-də məhv etdiyin insanlar yetmədimi!?Qərbin özü deyir…ABŞ-ın 34-cü Prezidenti Duayt Eyzenhauer memuarlarında deyir ki, Amerikada pulu olan istənilən şəxs hakimiyyətə gələ bilər: təki iri kapitalist dostları, əlində ciddi pul kütləsi olsun…  Haitidə, Meksikada, Suriyada, İraqda, Əfqanıstanda və bu gün Venesuelada baş verən hadisələr ABŞ “demokratiyası”nın bariz nümunələridir. Orqan mafiyalarının əli ilə büdcələrinə pul axıdan, Şərq ölkələrinə inqilablar ixrac edən və bu vandal siyasəti pərdələmək üçün yaradılan Avropa Parlamenti də, digər bəzi beynəlxalq təşkilatlar da bir məqsədə- Qərbin yırtıcı, şovinist maraqlarına xidmət edir. Belə dövlətlərin əlində oyuncağa çevrilmək, Avropa Parlamenti kimi qurumların çirkin siyasətinin detalı olmaq, öz vətəninin maraqlarına zərbə vurmağa cəhd etmək heç kimə başucalığı gətirməyib və gətirməyəcək də…     

Samir FEYRUZOV    

Həmçinin oxuyun

“Belə getsə, Şuşada “son zəng” çaldırmağımız “Sur düdüyü”nə qalacaq…”

Min illərlə yanan “Yanardağ”ı olan qədim atəşpərəstlər yurdu 25 ildir  atəşkəsə əməl edib Qarabağ üçün …