Odessanın keçmiş qubernatoru Mixail Saakaşvili onun Trampın inaqurasiyası zamanı Ukrayna telekanalları tərəfindən çəkilən görüntülərindən narazı qalıb.
AzNews.az xarici KİV-ə istinadən xəbər verir ki, bu haqda o, öz Facebook səhifəsində paylaşım edib.
Siyasətçi iddia edir ki, şəkillər o, inaqurasiya mərasimini tərk edərkən çəkilib:
“Biz Ukrayna telekanallarına təklif etmişdik ki, Trampın inaqurasiyasına getməyimizi işıqlandırsınlar, ancaq bundan imtina etdilər. Lakin onlar mənim mərasimi tərk edərkən çəkilən qeyri-rəsmi şəkillərimi paylaşdılar. ”
Bu şərhi ilə bərabər Saakaşvili jurnalistlərin yaydıqları foto və videonu screen edərək paylaşıb.
Siyasətçinin sözlərinə görə, bu materiallar sübut edir ki, “düşmənlər” ondan qorxurlar.