Çərşənbə axşamı , Yanvar 26 2021
Ana səhifə / Köşə Yazarları / İki jurnalist arasında şəkil çəkdirmək davası – Qarşılıqlı ittihamlar

İki jurnalist arasında şəkil çəkdirmək davası – Qarşılıqlı ittihamlar

Jurnalist Azər Həsrət həmkarı Seymur Verdizadə haqqında “Seymur Verdizadənin “faciəsi” başlıqlı məqalə yazıb.

Məqalədə A.Həsrət qeyd edib ki, bir rayonda Seymur Verdizadə ilə birgə müəllimlər üçün keçirdikləri seminarda müəllimlər yox, təsadüfi insanlar iştirak edib. Seminarın sonunda isə həmin insanlar Seymur Verdizadə ilə şəkil çəkdiriblər.

İkinci belə seminar isə Tərtərdə keçirilib. Orada da iştirak edən müəllimlər Seymur Verdizadəyə hörmətlə yanaşıblar, lakin Azər Həsrətlə şəkil çəkdirməyi üstün tutublar.

S.Verdizadənin isə həmkarına cavabı özünü çox gözlətməyib. “Qafqazinfo” xəbər verir ki, S.Verdizadə Azadinform-a açıqlamasında bildirib ki, A.Həsrət bu yazıda fikirlərini dolğun ifadə edə bilməyib: “Hesab etmirəm ki, Azər Həsrətin yazdığı yazıda mənə qarşı qərəz var və ya nəsə aşağılama mövqeyi tutub. Sadəcə mənə elə gəlir ki, Azər bəy fikirlərini dolğun ifadə edə bilməyib. Azər Həsrətlə 2 rayonda səfərdə olmuşam. Hər iki rayonda ziyalılardan özümə qarşı hörmət və diqqət görmüşəm”.

S.Verdizadənin sözlərinə görə, hər iki rayonda insanlar onunla şəkil çəkdirdi: “Ola bilsin ki, üstündən zaman keçdiyinə görə, dostumuz Azər bəy bunu unudub. Amma mən ikinci tədbirdə insanların kütləvi şəkildə Azər Həsrətlə şəkil çəkdirdiyini xatırlamıram”.

S.Verdizadə vurğulayıb ki, ona xoş münasibət bəsləyənlərin əsasını ziyalılar təşkil edir: “Təəssüflər olsun ki, Azər bəy bu faktları kiçiltməyə cəhd edib. Ola bilsin ki, Azər bəy konkret sosial təbəqə ilə işlədiyinə görə müəllimlər onu daha yaxşı tanıyırlar. Lakin mən jurnalist kimi bir qrupa xitab etmirəm, cəmiyyətin bütün təbəqələrinə – akademiklərə, həkimlərə, o cümlədən də ali təhsili olmayan insanlara xitab edirəm, yəni oxucularım rəngarəngdir”.

Jurnalist əlavə edib ki, Azər Həsrət mətbuata ondan əvvəl gəlib və hazırda aktiv jurnalist kimi də fəaliyyət göstərir: “Arzu edərdim ki, Azər bəy bir nüansa diqqət yetirsin ki, kiçik sosial təbəqə ilə işləmək jurnalist üçün bir o qədər də uğurlu deyil. Jurnalist cəmiyyətin bütün təbəqələrinə xitab etməlidir. Mənim oxucularım, ya da hansısa rayonda mənimlə şəkil çəkdirənlər arasında alim də ola bilər, sürücü də. Mən bu fakta görə utanmıram. Çox şadam ki, cəmiyyətin bütün təbəqələrini təmsil edən insanlar məni tanıyır, oxuyur, sevir. Azər Həsrətə isə hörmətim var. Onun yazılarını, yaradıcılığını diqqətlə izləyirəm. Zövqünə inandığıma və güvəndiyimə görə yazılarımı saytda yerləşdirdikdən sonra linkini ona göndərirəm ki, fikirlərini bildirsin. Onun rəyləri məni həmişə qane edir”.

Həmçinin oxuyun

Nədir 40 yaş?- Günel MÖVLUD

Sevirsən, amma daha sevgi əzabı çəkmirsən. Darıxırsan, amma içəndə ona zəng eləmirsən. Kiməsə hirslənirsən, amma …

Bir cavab yazın