Şənbə , Avqust 15 2020
Ana səhifə / Köşə Yazarları / Həbsdə olan jurnalist prezidentdən əfv olunmasını istəyir

Həbsdə olan jurnalist prezidentdən əfv olunmasını istəyir

Gəncə Ağır Cinayətlər Məhkəməsi jurnalisti 11 il azadlıqdan məhrum edib.

“Azadlıq” qəzetinin bölgə müxbiri olmuş Ərşad İbrahimov əfv olunması üçün ölkə başçısına müraciət edib.

Turanın məlumatına görə Ə.İbrahimov cəzasının yarısından çoxunu çəkməsinin nəzərə alınmasını xahiş edib.

Əfvlə bağlı müraciətdə jurnalistin həm də Qarabagda döyüşməsinin, məcburi köçkün olmasının diqqətə alınması xahiş edilir.

Ə. İbrahimov hazırda rüşvət iddiası ilə həbsdə olan Kəlbəcər rayon təhsil şöbəsinin sabiq müdiri Məhəmməd Bağırovu korrupsiyada ittiham edən məqalələr yazırdı. M.Bağırov tutduğu vəzifədən azad edildikdən sonra jurnalist barəsində Gəncə şəhər Polis İdarəsinə şikayət etmişdi. Həmin şikayət əsasında Ə.İbrahimova qarşı Cinayət Məcəlləsinin 182.3.2-ci (hədə-qorxu ilə tələb etmə) maddəsi ilə cinayət işi başlanmış, 2014-cü il iyunun 18-də həbs edilmişdi.

Gəncə Ağır Cinayətlər Məhkəməsi jurnalisti 11 il azadlıqdan məhrum edib. Gəncə Apellyasiya Məhkəməsi cəzanı 1 il azaldıb.

Ötən il iyunun 17-də Ali Məhkəmə jurnalistin cəzasını 10 ildən 5 ilə endirib. Ə.İbrahimovun azadlığa çıxamasına iki il qalır.

Jurnalistin barəsində yazdığı Kəlbəcər rayon təhsil şöbəsinin sabiq müdiri Məhəmməd Bağırov isə korrupsiya ittihamı ilə 10 il azadlıqdan məhrum edilib, hazırda cəza çəkir (“Amerikanın səsi”)

Həmçinin oxuyun

Rusiya bölgədə böyük savaşa imkan verərmi?..

İnanın ki, biz qəti olaraq televizionçularımızı məyus etmək istəmirik, çünki bu sətirlərin müəllifinin də ən …

Bir cavab yazın