Şənbə , İyul 20 2019
Ana səhifə / Köşə Yazarları / Gürcüstan prezidenti həbsdə olan Əfqan Muxtarlının xanımını qəbul etdi – VİDEOLAR

Gürcüstan prezidenti həbsdə olan Əfqan Muxtarlının xanımını qəbul etdi – VİDEOLAR

İyunun 27-də Gürcüstan prezidenti Giorgi Marqvelaşvili həbsdə olan jurnalist Əfqan Muxtarlının xanımı və vəkilini qəbul edib.

Azinforum.az “Amerikanın səsi”nə istinadən xəbər verir ki, görüş həbsdəki jurnalistin xanımı Leyla Mustafayevanın istəyi üzrə baş tutub.

Görüşdə Leyla Mustafayeva Giorgi Marqvelaşviliyə ona və həbsdəki həyat yoldaşına dəstək verdiyinə görə təşəkkürünü bildirib. Bununla bərabər, görüşdə Əfqan Muxtarlının müəmmalı şəkildə Tbilisidən yoxa çıxması və Azərbaycanda həbs edilməsi işində Gürcüstanın rolu, habelə jurnalistin ailəsinin aparılan araşdırma işlərindən razı qalmadığı məqamlar da müzakirə edilib.

Xatırladaq ki, Əfqan Muxtarlı bu yaxınlarda bəyanatla çıxış edərək prezidentin Gürcüstanda diktatura yaradılmasına imkan verilməyəcəyinə ümidvar olduğunu ifadə etmişdi.

Gürcüstan prezidenti G.Marqvelaşvili Ə.Muxtarlı həbs olunduğu günlərdə mətbuata açıqlamasında jurnalistlə bağlı baş verənləri ölkəsinin suverenliyi və təhlükəsizliyinə təhdid adlandırmışdı. Baş nazir və daxili işlər naziri isə bu məsələdə Gürcüstan hüquq-mühafizə orqanlarının iştirakını istisna edərək, istintaqın başa çatmasını gözləməyi məsləhət bilmişdi.

​Jurnalist Ə.Muxtarlı mayın 29-u oturum izini aldığı Gürcüstandan zorla Azərbaycana gətirildiyini deyir. Ə.Muxtarlının bildirməsinə görə, Tbilisidə saxlanarkən ona işgəncə verilib. Sərhədə gətirilərək Azərbaycana təhvil verilib. Onun deməsinə görə, sərhəddə cibinə 10 min avro da qoyulub.

Jurnalist Cinayət Məcəlləsinin 315.2-ci maddəsi ilə hakimiyyət nümayəndəsinə müqavimət və ya zor tətbiq etmədə ittiham olunur.

Bundan başqa, ona 318.1, 206.1 maddələr ilə – sərhədi qanunsuz keçmə və qaçaqmalçılığa görə də ittiham irəli sürülüb.

Bakıda rəsmi qurumlar isə bildirib ki, Ə.Muxtarlı sərhədi qanunsuz keçərkən Azərbaycan ərazisində saxlanıb və bu məsələnin siyasiləşdirilməsi düzgün deyil.

Məhkəmənin qərarı ilə ona ilkin istintaq dövründə 3 aylıq həbs qətimkan tədbiri seçilib.

Həmçinin oxuyun

Avropalaşan Naxçıvan- Ədib İSAQOĞLU

Bir nəfər müsavatçı tanışımın Naxçıvan haqqında məlumatsızlığı, məni bu yazını yazmağa vadar etdi. Tanışımın mənə …

Bir cavab yazın