”Gündəm Xəbər” qəzetinin rəhbəri Şirin Cəfəri  həbs olundu

“Gündəm Xəbər” qəzetinin rəhbəri Şirin Cəfəri həbs olunub.

Missiya.Az saytının yaydığı məlumata görə, bu gün səhər saatlarında Ş.Çəfərinin evinə gələn polis əməkdaşları əvvəlcə onun evində axtarış keçiriblər. Bundan sonra əməliyatçılar Ş.Çəfərinin saxlanıldığını bildirib və onu özləri ilə aparıblar.

Missiya.Az-ın əməkdaşı məlumatı dəqiqləşdirmək məqsədilə Ş.Çəfərinin xanımı ilə əlaqə saxlayıb. O, faktı təsdiq etsə də yoldaşının hansı səbəbdən saxlanıldığı barədə məlumata malik olmadığını deyib: “Bizə heç nə demədilər. Evdə axtarış apardılar və sonra da Şirini apardılar. Hara apardıqlarını isə demədilər”.