Ana səhifə / Köşə Yazarları / Arif Quliyev xanım jurnalisti ədəbsiz ifadələrlə təhqir etdi

Arif Quliyev xanım jurnalisti ədəbsiz ifadələrlə təhqir etdi

Ötən gün xalq artisti Arif Quliyevin rəhbərlik etdiyi teatrın bağlanılması ilə bağlı məlumat yayılmışdı. Məsələ ilə əlaqədar xalq artisti ilə əlaqə saxlayıb, bundan sonrakı fəaliyyəti ilə bağlı fikirləriylə maraqlandıq.
Arif Quliyev gözlənilmədən məlumatı yayan AzNews.az saytının xanım jurnalisti Bahar Rüstəmli barəsində qeyri-etik ifadələr işlətdi, hətta çox ədəbsiz küçə söyüşlərini dilə gətirməkdən belə, özünü saxlaya bilmədi. Ona müraciət edən əməkdaşımızın da xanım olmasını nəzərə almayan xalq artistinin söyüş dolu ifadələrini etikadankənar olduğu üçün dərc etmirik.
Xalq artisti adını daşıyan gülüş ustasının dediklərindən bəziləri: “Yalan yazıb. Adam “otpuska”ya çıxmaz? Pensiyaya çıxmaz? (söyüş söyməkdə davam edir). Mən xalq artistiyəm, çıxmayım pensiyaya..? Müalicə olunmayım? Heç dəxli var? 66 yaşım var, istirahət etməyim? Həmin teatr 20 il bundan əvvəl bağlanıb. O qanacaqsıza dedim ki, Sovet dağılanda mənim də teatrım maliyyə üzündən bağlandı (qəribə şəkildə bərkdən gülür)”.
Aktyor heç bir serial, film çəkilişlərində də iştirak etmədiyini deyib: “Rejissora gedib deməyəcəm ki, məni çək. Məsləhət olanda məni də dəvət edirlər. Mən 5 özəl filmə çəkilmişəm. İndi isə pensiyadayam, prezident təqaüdçüsüyəm, istirahət edirəm, burada nə qəribə şey var? Kim ki, barəmdə tərsinə yazıb, onun nəslini də, özünü də, hamısını söyürəm”.
Qeyd edək ki, gülüş ustası Arif Quliyevin rəhbərlik etdiyi Özəl Satira Teatrının bağlanılması ilə bağlı AzNews.az saytında yazı dərc edilmişdi. Jurnalist həmkarımız Bahar Rüstəmlinin müəllifi olduğu yazıda bildirilirdi ki, adıçəkilən teatr maliyyə çatışmazlığı ucbatından fəaliyyətini dayandırıb.
Xatırladaq ki, ötən il də teatrın bağlanılması ilə bağlı məlumatlar yayılmışdı. Aktyor Arif Quliyev musavat.com-a açıqlama verərək, məlumatı təkzib etmiş və bildirmişdi ki, maddi gəliri məhz Özəl Satira Teatrından gəlir.

Həmçinin oxuyun

Jurnalistləri noqdauna salan gənc, xanım direktor…

Təhsildə vəziyyət bərbaddır. Bunun əksini kimsə sübut edə bilməz. Xüsusilə də paytaxt məktəbləri direktorlar üçün …

Bir cavab yazın