Çərşənbə axşamı , İyun 22 2021
Ana səhifə / Köşə Yazarları / Əfsanəvi xəbər aparıcısı qocalar evində vəfat etdi

Əfsanəvi xəbər aparıcısı qocalar evində vəfat etdi

TRT-nin unudulmaz xəbər aparıcısı Mesut Mertcan yaşadığı Adana Qocalar Evində 71 yaşında dünyasını dəyişib.

Oxu.Az Türkiyə KİV-nə istinadla xəbər verir ki, müxtəlif xəstəliklərdən əziyyət çəkən aparıcı əlil arabasına məhkum olmuşdu.

Mesut Mertcan aparıcılıq karyerasına başlamazdan əvvəl “Türkiyənin harasında olursa-olsun aparıcılıq etmək istəyirəm”, – deyə TRT-yə məktub yazaraq müraciət edib və 1973-ci ildə Ərzurumda işə başlayıb.

O, Ankarada Qazi Universitetinin ingilis dili bölməsində təhsil almasına baxmayaraq, ali məktəbi yarımçıq tərk edib. İllərlə “TRT 1” televiziyasında xəbər aparıcısı kimi fəaliyyət göstərib.

1987-ci ildə Türkiyədə keçirilən seçkilərdə millət vəkilliyinə namizədliyini irəli sürüb. Millət vəkili seçilə bilmədikdən sonra “Star”, “Kanal 6”, “Kanal 9”, “Milli Kanal” kimi televiziya kanallarında aparıclıq edib.

4 dəfə evli olan aparıcı sonuncu həyat yoldaşından 2012-ci ildə ayrılıb və iki övladı var. 2014-cü ildən bəri qocalar evində yaşayırdı.

Həmçinin oxuyun

Büdcəmiz 10 milyard olanda da elmə 100 milyon, indi 27 milyarddır, yenə 100 milyon ayrılır

38 yaşım var. Əvvəllər heç vaxt böyük var dövlətimin olmasını arzulamamışam belə, nəinki onunçün çalışmaq. …

Bir cavab yazın