Çərşənbə , Aprel 24 2024
Ana səhifə / İqtisadiyyat / Yayda ət niyə ucuzlaşmır? – VİDEO

Yayda ət niyə ucuzlaşmır? – VİDEO

Son aylar ət və ət məhsullarının qiymətində kəskin bahalaşma müşahidə olunur. Azərbaycanda son beş ildə ətin qiyməti iki dəfədən çox artıb. Təkcə ötən ilin müvafiq dövrü ilə müqayisədə dörd manat bahalaşma var. “Xezerxeber.az”ın məlumatına görə, hazırda quzu əti 18 manat, sümüklü mal əti 14, sümüksüzün qiyməti isə 17 manatdır.

Yay fəsli olmasına baxmayaraq, ətə tələbat böyükdür.

Satıcılar bildirirlər ki, alıcı qıtlığı yaşanmasa da, heyvan və yem bazarında bahalıqdır.

Digər bir satıcı isə deyir ki, hazırda ətin qiyməti sabitdir. Lakin o da  yaxın vaxtlarda ətin bahalaşa biləcəyini istisna etməyib.

Ekspetlər hələ bunun son hədd olmadığını deyirlər.

İqtisadçı Xalid Kərimlinin sözlərinə görə, dünya bazarında heyvan yeminin bahalaşması Azərbaycandan da yan keçmir. Bundan başqa, Rusiya-Ukrayna müharibəsi fonunda Ukrayna məhsullarının Azərbaycan bazarından çıxması, bazara gələn məhsullarda logistika xərclərinin artması dolayı yolla da olsa, qiymət artımına təsir edir.

Ekspert qeyd edib ki, dünya bazarında son 12 ayda ətin qiyməti bahalaşmayıb, hətta ət bazarında altı faizə qədər ucuzlaşma var. Hazırda yemin bahalaşması prosesi dayanıb.

X.Kərimli hesab edir ki, bundan sonra stabillik olacağı gözlənilir, amma əgər vəziyyət dəyişərsə, bahalaşma prosesi davam edəcək.

Mövzu ilə bağlı daha ətraflı videomaterialı təqdim edirik:

Həmçinin oxuyun

Neftdən büdcəyə daxilolmalar proqnozdan 217 mln. manat çoxdur

Dövlət büdcəsinin neft-qaz sektoru üzrə daxilolmaları 4562,6 milyon manat təşkil edib. Azinforum.az bu barədə Maliyyə …