Bazar ertəsi , Oktyabr 21 2019
Ana səhifə / İqtisadiyyat / Vergilər Nazirliyi ilə sahibkarlar arasında müzakirə platforması yaradılır – FOTO

Vergilər Nazirliyi ilə sahibkarlar arasında müzakirə platforması yaradılır – FOTO

Azərbaycan Sahibkarlar (İşəgötürənlər) Təşkilatları Milli Konfederasiyasının nümayəndələri, sahibkarlıq assosiasiyaları və bir sıra iş adamları ilə görüş keçirilib.

Konfederasiyadan verilən məlumata görə, görüşdə vergilər naziri Mikayıl Cabbarov, ASK-nın sədri Məmməd Musayev, ASK-ya üzv olan şirkət və assosiasiyaların rəhbərləri iştirak edib, qarşılıqlı maraq doğuran problemlər müzakirə olunaraq iş adamlarını maraqlandıran məsələlər ətrafında fikir mübadiləsi aparılıb.

Vergilər naziri vergi sistemində aparılan dəyişikliklərin başlıca prinsipləri, vergi ödəyiciləri ilə münasibətlərdə şəffaflığın təmin olunması, onların qarşılaşdığı məsələlərin həll olunması istiqamətində görülən işlər, həmçinin biznes sektorundan gözləntilərlə bağlı çıxış edib.

Görüşdə Vergilər Nazirliyi ilə sahibkarlar arasında müzakirə platforması kimi çıxış edəcək Əməkdaşlıq Şurasının yaradılması barədə razılıq əldə edilib.

Həmçinin oxuyun

Azərbaycan iqtisadiyyatının “təhlükəsizlik yastığı”nın gəlirləri çoxalır, model dəyişir – ŞƏRH

Azərbaycan Respublikası Dövlət Neft Fondunun (ARDNF) bu ilin yanvar-iyun aylarında büdcə gəlirləri 10 milyard 698 …