Avropa Parlamentinin sədri Martin Şults türkləri təhqir edən ifrat sağçı yunan parlamentarini Baş Assambleyadan qovub.
“Qafqazinfo” xarici KİV-ə istinadən xəbər verir ki, millətvəkili Eleftherios Synadinos türkləri barbar, vəhşi it adlandırıb:
“Elmi ədəbiyyatda osmanlılar it kimi təsvir edilir. Türkləri barbarlar, pis yalançılar kimi tərif edə bilərik. Türklər vəhşi it kimi düşmənlə savaşdan qaçır”.
Bu açıqlamadan sonra Parlament sədri onu salondan qovub: “Qırmızı xətt keçildi. Bu, qəbuledilməzdir, xüsusilə də, irqçi fikirlər”.
Qeyd edək ki, iclas Türkiyə və Avropa Birliyi arasındakı miqrant razılaşmasına həsr olunmuşdu.