Çərşənbə , İyul 17 2019
Ana səhifə / İqtisadiyyat / Türkiydəki çevrilişi bu ölkələr hazırlayıb – İDDİA

Türkiydəki çevrilişi bu ölkələr hazırlayıb – İDDİA

Türkiyədə baş verən hərbi çevrilişin arxasında Birləşmiş Ərəb Əmirlikləri (BƏƏ) və Misir dayanır.

Axar.az xəbər verir ki, bunu Səudiyyə Ərəbistanının təqaüddə olan kəşfiyyatçısı “Breitbart Yerusəlim”ə açıqlamasında deyib.

Sabiq kəşfiyyatçının sözlərinə görə, ABŞ-da mühacir həyatı yaşayan Fətullah Gülən BƏƏ-yə gizli səfər edib:

“Türkiyə Fətullah Gülənin ötən həftə çevriliş planını tamamlamaq üçün BƏƏ səfərini və Misirin çevrilişə cəhddə əli olub-olmadığını araşdırır. Əgər Gülən həqiqətən BƏƏ-yə gedibsə, Türkiyə konkret sübutlar əldə edəcək.

Ankara Misir Prezidenti Əbdülfəttah Sisi və BƏƏ-nin vəliəhd şahzadəsi Məhəmməd Zayedin məsləhətçisi, keçmiş Fələstin rəsmisi Məhəmməd Dahlanın oynadığı rolu da araşdırır. Çünki Türkiyə Dahlanı Müsəlman Qardaşları təşkilatının ən qatı əleyhdarı olaraq görür”.

Xatırladaq ki, bir neçə gün əvvəl Misirin BMT Təhlükəsizlik Şurasının Türkiyədəki hərbi çevrilişi qınaması ilə bağlı açıqlamasına veto qoyması iddia edilib. Lakin rəsmi Qahirə bu xəbəri təkzib edib.

Həmçinin oxuyun

Pomidor böhranı necə həll olunacaq? – ŞƏRH

2019-cu ilin təsərrüfat mövsümü  qlobal iqlim dəyişikliklərilə müşahidə olunur. İlkin yazda aramsız yağıntılar tumlu meyvə …

Bir cavab yazın