Ana səhifə / İqtisadiyyat / Türkiyədə 5 əsgər şəhid olub

Türkiyədə 5 əsgər şəhid olub

Bu gün Türkiyədə 5 əsgər və 1 kənd qoruyucusu şəhid olub.

APA-nın Türkiyə mətbuatına istinadən verdiyi məlumata görə, səhər saatlarında Bingöl rayonunun Kiğı qəsəbəsində partlayıcı qurğu hərbi maşın keçərkən partladılıb, 1 əsgər şəhid olub.

Siirtin Kurtalan qəsəbəsində isə əsgərlərin növbədə olduğu posta ildırım düşməsi nəticəsində 1 əsgər həyatını itirib, 1 əsgər yaralanıb.

Üçüncü qara xəbər Hakkari rayonunun Çukurça qəsəbəsindən gəlib. Güven dağı bölgəsində PKK terrorçularının qumbaraatanlardan açdığı atəş nəticəsində 1 əsgər şəhid olub, həmin bölgədə minaya düşən əsgər ağır yaralanıb. Döyüşdə 5 terrorçu zərərsizləşdirilib.

Diyarbəkir rayonunun Hani qəsəbəsində isə PKK terrorçularının quraşdırdığı partlayıcı qurğunun işə düşməsi nəticəsində 2 əsgər şəhid olub, 2 əsgər yaralanıb. Nəhayət, Batman rayonunda Mava dağı bölgəsində PKK terrorçuları ilə atışma zamanı əsgərlərlə birlikdə döyüşən kənd qoruyucularından biri həyatını itirib.

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …

Bir cavab yazın