Türkiyə qiyamçılarının başçısı: “Kaş öləydim…”

Türkiyədə keçənilki hərbi qiyamın təşkilində şübhəli bilinən 486 nəfərin məhkəməsi başlayıb. İttiham edilənlərin əksəriyyəti Akıncı təyyarə bazasının hərbi qulluqçularıdır.

Məhkəmədə Hərbi Hava Qüvvələrlərinin keçmiş komandanı, qiyamın əsas təşkilatçılarından biri hesab edilən general Akın Öztürk nitqlə çıxış edib. Öztürk deyib ki, o, Hərbi Hava Qüvvələrlərində xidmət etdiyi 46 il ərzində çoxsaylı xüsusi əməliyyatlarda iştirak edib: “Kaş mən öləydim, amma bu haqsız ittihamlarla üzləşməyəydim”.

Qiyamçıların lideri öz günahını inkar edir və Türkiyə prokurorluğunun ittihamları ilə razılaşmır. (Virtualaz.org)