Türkiyəli bəy azərbaycanlı gəlini toy maşını ilə təəccübləndirdi – FOTOLAR

Kastamonuda azərbaycanlı xanımla evlənən türkiyəli bəy Kamal Çelikkaya hər kəsi təəccübləndirib.

Musavat.com Türkiyə mətbuatına istinadən xəbər verir ki, o dostlarının vasitəsilə tanış olduğu Nazila Mahsimova adlı xanımı nikah mərasiminə gəlin maşını əvəzinə əldə düzəldilmə motoskletlə aparıb.

Çelikkaya uşaqlığından bəri çox sevdiyi və kənddə davamlı əkinçilik üçün istifadə etdiyi nəqliyyat vasitəsini gəlin avtomobili kimi bəzəyib, Türkiyə və Azərbaycan bayrağını da asmağı unutmayıb.

Əldə düzəldilmə motoskleti gəlin maşını əvəzində görən gəlin təəccübünü gizlədə bilməyib. Nazila Mahsimova çox sevdiyi həyat yoldaşının israrı üzərinə maşına minməyə razı olub.