Türkiyədə müxalif “Cumhuriyet” qəzetinin 7 əməkdaşı həbsdən azad edildi

Türkiyədə məhkəmə “Cumhuriyet” qəzetinin PKK ilə əlaqədə şübhəli bilinən yeddi jurnalistinin həbsdən azad edilməsinə dair qərar qəbul edib.

“Daily Sabah” yazır ki, baş redaktor Murat Sabunçu, icraçı direktoru Akın Atalay da daxil olmaqla “Cumhuriyet” qəzetinin 17 əməkdaşı barəsində məhkəmə prosesi bazar ertəsi İstanbulda başlayıb.

Onlardan 11 nəfərin noyabrda məhkəmənin qərarı ilə həbs edildiyi bildirilir. Hazırda 11 müttəhim həbsdədir, daha 6 nəfər barəsində isə ölkəni tərk etməmək qətimkan tədbiri seçilib.

Sabiq baş redaktor Can Dündar da daxil olmaqla, nəşrin iki əməkdaşı barəsində axtarış elan edilib.