Donald Trampın keçmişi hələ çox diqqət mərkəzində olacaq. Nə qədər yazılsa da, bu çılğın milyarderin prezident kürsüsünə kimi gəldiyi yol adi olmayıb. Adi olanlar da bu gün başqa bir maraq kəsb edir.
Moderator.az-ın Amerika mətbuatına əsaslanaraq təqdim etdiyi bu ailə foto albomunun da qəribə tarixçəsi var.
D.Trampın birinci həyat yoldaşı 1977-1992-ci illərdə ailənin tarixi günlərini fotolarla əbədiləşdirib. Bu hər bir ailə üçün adi haldır. Boşanandan sonra bütün ailə albomunu bir çemodana yığıb 15 illik ailə tarixini küçədə qapı qarşısına qoyur. ( ABŞ-da lazım olmayan ev əşyalarını bəzən qapı qarşısına qoyurlar ki, ehtiyacı olanlar apara bilsin) Bir komisyon mağaza çemodanı götürüb satışa qoyur.
Bu gün şəkilləri yayan qadın deyir ki, komisyon mağazada ayağı təsadüfən çemodana toxunur və ağzı açılanda içindən şəkillər görsənir. Qadın kolleksiyaçı olduğu üçün çemodanı alıb evinə aparır. İllər keçdi. İndi bu çemodan da, onun içindəki fotolar da başqa məna kəsb edir, artıq onlar dünyanın maraq etdiyi əşyalardır.
Amma fotolardan məlum olur ki, Amerika prezidenti qayğıkeş ata olub. Ağ Evdə də üç arvaddan olan övladları ilə birlikdə yaşayacaq…