Cümə axşamı , Yanvar 21 2021
Ana səhifə / İqtisadiyyat / “Tekfen” şirkəti “SOCAR Polymer”in 10 faiz səhmini aldı

“Tekfen” şirkəti “SOCAR Polymer”in 10 faiz səhmini aldı

Dekabrın 13-də SOCAR-ın Baş ofisində Türkiyənin “Tekfen” şirkəti “SOCAR Polymer” şirkətinin səhmlərinin bir hissəsini almasına dair sənəd imzalayıb.

Socar.az- bildirir ki, satılan səhmlərin 5 faizi SOCAR-a, 5 faizi isə “Paşa Holdinq”ə aid olub.

Sənədi “SOCAR Overseas” şirkətinin direktoru Firudin Həsənov və “Tekfen Holding” İdarə Heyətinin sədri Murat Gigin imzalayıblar. Sövdələşmənin məbləği açıqlanmır.

Xatırladaq ki, “SOCAR Polymer” Azərbaycanın neft-kimya sənayesində dövlət-özəl sektor tərəfdaşlığı əsasında yaradılmış ilk şirkətdir. “SOCAR Polymer” şirkəti Azərbaycanda kimya sənayesinin inkişafını sürətləndirmək məqsədi ilə 2013-cü ildə təsis edilib. “SOCAR Polymer” kompleksi illik istehsalat gücü 180 min ton polipropilen və 120 min ton yüksək sıxlıqlı polietilen olan iki zavoddan ibarətdir.

Həmçinin oxuyun

“Nar” Qarabağ müharibəsi veteranları üçün xüsusi güzəştlər təqdim edir

“Nar” Azərbaycanın ərazi bütövlüyü uğrunda döyüşlərdə iştirak etmiş qəhrəmanlarımız üçün xüsusi güzəştlər təqdim edir. Xüsusi …