Azinforum.az İnformasiya Portalı Onlayn Xəbər Portalı
Cəzalandırmaq, edam etmək və ya məlumat almaq üçün tətbiq edilən işgəncələr insanlıq tarixinin yüzlərlə illik bir keçmişinə malikdir.
Bu tarixdə şeytanın belə, ağlına gəlməz deyəcəyiniz acımasız işgəncələr tətbiq olunub. Hazırda dünyada bəzi təşkilatlar belə bu işgəncə üsullarından istifadə edir.
Musavat.com tarixin qorxulu və acımasız işgəncə yöntəmləri haqqında faktları təqdim edir.
İkiuclu çəngəl
İki tərəfi də çəngələ bənzəyən, məhkumun boynuna bağlana bilməsi üçün də ortasında kəmər olan bir alətdir. Bu alət məhkumun boğazına bağlandıqda başını daim arxaya doğru tutması lazım gəlir. Əks təqdirdə çənəsi ya da körpü sümüyü deşilə bilər.
Dəmir maska
Bu maska keçmişdə əxlaqsız qadınlara və falçılıq edənlərə taxılırdı. Maskanın ağız hissəsindən içəriyə doğru mismar uzanırdı. Beləcə qadın danışmaq istədiyi zaman mismar onun dilinə batırdı. Bu, bir cəza növü idi.
Barmaq vinti
Məngənəyə bənzəyən bir alət olan barmaq vinti bəzi məhkumların barmaqlarını zədələmək, bəzilərininkini isə qoparmaq üçün istifadə olunurdu.
Timsah qayçısı
Timsahın ağzına bənzədilən bu alət olduqca uzun və qorxulu bir alət idi. Bu alət əvvəlcə ocaqda qızdırılıb, sonra məhkumun bədəninin müxtəlif yerlərindən parçalar qoparılırdı.
Sinə deşici
Qadınlar üçün özəl olaraq hazırlanan, nadir işgəncə alətlərindən olan sinə deşici olduqca itidir və maşaya bənzəyir. Qadınların sinələrinə zərər vermək üçün hesablanmış bir alətdir.
İztirab armudu
Armuda bənzəyən bu dəmir alət isə məhkumların ağzına soxulurdu. Alətin arxasından burduqca ağzında genişlənən dəmir, məhkumun ağzını parça-parça edirdi.
Diz deşən
Bu alət ən çox əsirlərin sorğusunda istifadə olunub. Alət çərçivə şəklində içərisi iti deşici dəmirlərlə hazırlanırdı. Məhkumların ayağında yaralar açıb və hətta qopara bilirdi.
Qilotin
Bu işgəncə üsülü siyahının bəlkə də ən qorxunc və ağır olanlarındandr. Qilotin adı verilən bu alətdə məhkum əli-qolu bağlı uzadılır, yuxarıdan buraxılan iti bıçaq saniyə içərisində məhkumun başını bədənindən ayırır.
İspan eşşəyi
Bu alətdən İspaniya inkivizasiyası dövründə dövlətin əmrlərinə tabe olmayan şəxslərə qarşı istifadə olunurdu. Həbs edilən şəxs əlləri bağlanılıb, soyundurularaq üçkünc bir taxtanın üzərinə otuzdurulurdu. Ayaqlarına da ağrını hiss etməsi üçün ağır çəki daşları bağlayırdılar.
Heyvan çuvalı
Romalıların icad etdiy bu işgəncə növü əsasən ana və atasını öldürən şəxslər üçün tətbiq edilirdi. Məhkum it, ilan, pişik, meymun və s. kimi heyvanlarla birlikdə bir çuvalın içinə bağlanıb, dənizə atılırdı.
Dəmir kreslo
Üzərində yüzlərlə dəmir tikanları olan bu kresloda oturan məhkumun bədənində eyni anda yaralar açılır. Məhkum elə kreslodaca qanaxmadan ölür.
Dəmir bakirə
Dəmir bakirə adlı bu işgəncə aləti Orta Əsrlər dövründə istifadə olunub. İçi tikanlı bir tabutdur. Məhkumları diri-diri bu tabutun içərisinə qoyurdular. Məhkumun iki seçimi olurdu, ya hərəkətsiz qalıb, yaşayacaqdı ya da hərəkət edib, öləcəkdi.
Turan Oruc,
