Şimali Koreya ABŞ-ı vura biləcək nüvə raketi əldə edir! – KXDR-dan qaçmış diplomat danışır

AzPolitika.info xarici KİV-ə istinadla xəbər verir ki, Koreya Xalq Demokratik Respublikasının (KXDR) keçmiş diplomatı Txe Yön Xe Şimali Koreyanın 2017-ci ilə Amerika Birləşmiş Ştatlarının (ABŞ) kontinental hissəsini vura biləcək nüvə başlıqlı ballistik raket yaratmaq planlarından danışıb. Xəbəri «Renxan» agentliyi yayıb.

«Şimali Koreya, Cənubi Koreyada və Birləşmiş Ştatlarda baş verən siyasi dəyişiklikləri nəzərə alaraq, 2017-ci ilə və ya 2018-ci ilin əvvəlinə, ABŞ-a çata biləcək raketlərə yerləşdirmək üçün kiçildilmiş nüvə başlığı yaratmağı qarşıya məqsəd olaraq qoyub»-deyə, Txe Yön Xe bəyan edib.

Bundan əvvəl KXDR lideri Kim Çen In xalqa yeni il müraciətində deyib ki, qitələrarası ballistik raketin işlənib hazırlanması posesi sonuncu mərhələyə çatıb.

Məlumat üçün bildirək ki, ötən il Pxenyan BMT Təhlükəsizlik Şurasının etirazlarına baxmayaraq, iki nüvə sınağı həyata keçirib