Seçkidə uduzan prezident: “Postumdan gedən deyiləm”

Qambiya prezidenti Yəhya Cammeh seçkidə uduzsa da, kürsüsündən əl çəkmək istəmir.

Azvision xəbər verir ki, bu barədə məlumatı “Reuters” yayıb.

“Mən qorxaq deyiləm. Hüquqlarımı pozmaq olmaz. Bu, mənim mövqeyimdir. Allahdan savayı heç kim məni qələbədən məhrum edə bilməz. Öz postumdan gedən deyiləm” – deyə o, əlavə edib.

Qeyd edək ki, Qambiyada prezident seçkiləri dekabrın 1-də keçirilib. Seçki komissiyasının məlumatına görə, müxalifətdə olan Qambiyanın Birləşmiş Demokrat partiyasının sədri Adam Barrou səsvermənin nəticələrinə görə qalib gəlib. O, seçicilərin 45,5 fazi səsini toplayıb. Ölkənin hazırki prezidenti isə seçkilərdə 36,7% səs qazanıb.