Bazar ertəsi , Sentyabr 23 2019
Ana səhifə / İqtisadiyyat / Sahibkarlara 170 milyon güzəştli kredit veriləcək

Sahibkarlara 170 milyon güzəştli kredit veriləcək

“2017-ci ildə 146 milyon manat, 2018-ci ildə isə geri qaytarılan vəsaitlər hesabına 170 milyon manat dövlətin güzəştli kreditlərinin sahibkarlara verilməsi planlaşdırılıb” .

Bunu Sahibkarlığa Kömək Milli Fondunun icraçı direktoru Şirzad Abdullayev deyib. O, bildirib ki, son 2 ildə Sahibkarlığa Kömək Milli Fondu tam özünü maliyyələşmə prinsipi əsasında fəaliyyət göstərir:

“2018-ci ildə ümumi dəyəri 392 milyon manat olan 453 layihənin maliyyələşdirilməsinə 72,2 milyon manat dövlətin güzəştli krediti təmin olunub. Verilmiş bu kreditlər ötən ilin müvafiq dövrü ilə müqayisədə 2 dəfə çoxdur. Ötən ilin eyni dövrü ilə müqayisədə isə 6 dəfə çox layihə maliyyələşdirilib. İlin sonuna kimi 42 istehsal müəssisəsinin yaradılması başa çatacaq. Bunların içərisində xüsusilə aqroparkları vurğulamaq istərdim. Aqroparkların yaradılmasına 204 milyon manat vəsait investisiya qoyulub, infrastrukturun yaradılması üçün isə 110 milyon manat güzəştli kredit ayrılıb”.

Həmçinin oxuyun

İlin sonuna qədər problemli kreditlərlə bağlı şad xəbər olacaq – ŞƏRH

Uzun illərdir Azərbaycanda mövcud olan problemli kreditlərlə bağlı ilk addım bu ilin fevralında Prezident İlham …