Sabiq erməni məmur deputatlıqdan imtina edib

Bu barədə erməni KİV-ləri məlumat yayıb. Məlumata əsasən, Sanamyan seçki vaxtı Sarkiyanın partiyasına səslər gətirmək, deputat olmaq üçün küllü miqdarda pul xərcləyib.

Təxmini hesablamalara görə, o, seçicilərdən səs almaq üçün 260 milyon dram paylayıb.

“Joğovurd” qəzeti Sanamyandan bu qədər xərcdən sonra niyə mandatdan imtina etməsinin səbəbini soruşub.

“Müsahibə vermək istəmirəm, mən seçicilərimin yanındayam, seçicilərimin yanında da qalacağam”- deyə o, bildirib.

Xatırladaq ki, daha öncə Sarkisyanın təlimatı ilə səslərin oğurlanması, respublikaçı namizədlərin səslərinin digərlərinə hesablanması haqda ətraflı məlumat vermişdik.

Görünür, Sarkisyan indi də istifadə etdiyi, hətta seçkilərdə lazimi qədər səs toplayan namizədləri oyundan uzaqlaşdırmağa başlayıb.(AzVision.az)