Çərşənbə axşamı , May 26 2020
Ana səhifə / İqtisadiyyat / Saakaşvili yenidən Gürcüstan prezidenti olmaq istəyir

Saakaşvili yenidən Gürcüstan prezidenti olmaq istəyir

Gürcüstanın keçmiş prezidenti, hazırda Odessa vilayətinin qubernatoru Mixail Saakaşvili ABŞ-a səfəri zamanı bildirib ki, lideri olduğu “Vahid Milli Hərəkat” partiyasının seçkilərdəki “qaçılmaz” qələbəsindən sonra ölkəyə dönəcək.

Bundan başqa, Saakaşvili vəd edib ki, hazırda Ukrayna polisinə rəhbərlik edən Xatiya Dekonoidzeni Gürcüstana yeni daxili işlər naziri gətirəcək.

Senator Con Makkeyn ilə görüşən Saakaşvili Gürcüstanı dirçəltmək planları haqqında danışıb.

8 oktyabr seçkisində qələbəni həll olunmuş məsələ sayan Saakaşvili “Rustavi – 2” televiziyasılna açıalamasında bildirib ki, heç kimdən qisas almayacaq, diqqətini ölkənin iqtisadiyyatını və təhsilini güclənidrməyə yönəldəcək.

Odessanın qubernatoru həmçinin bildirib ki, kimin – Trampın, yoxsa Klintonun seçilməsindən asılı olmayaraq, ABŞ-ın yeni prezidentindən dəstək gözləyir. “Mənim hər iki namizədlə dost münasibətlərim var, müasir dünyada isə şəxsi əlaqələr böyük siyasətdə çox şeyi həll edir”,- deyə Saakaşvili bildirib.

Gürcüstanın hazırkı hakimiyyəti isə Saakaşviliyə məsləhət görüb ki, hökumətin yeni tərkibini planlaşdırmağa tələsməsin. “Əgər doğrudan da ölkəyə qayıdacaqsa, yaxşı olar ki, Saakaşvili indidən özünə güclü vəkil axtarsın”,- deyə Gürcüstan Parlamentinin Müdafiə və Təhlükəsizlik Komitəsinin sədri İrakli Sesiaşvili bildirib.

O, xatırladıb ki, ölkədə Saakaşvili ilə bağlı 4 cinayət işi açılıb.

AzVision.az

Həmçinin oxuyun

Azərbaycanda bu sahədə böhran olacaq? – Qiymətləri qaldırırlar

Məlum olduğu kimi, iyunun 1-dən etibarən karantin rejiminin ölkədə ləğv olunacağı gözlənilir. Sərhədlərin açılması isə …

Bir cavab yazın