Azinforum.az İnformasiya Portalı Onlayn Xəbər Portalı
Günlərdir ki, Səudiyyə Ərəbistanı ilə Qətər arasındakı gərginlik davam edir.
Belə ki, Səudiyyə Ərəbistanı və onun ərəb müttəfiqləri Qətərlə diplomatik əlaqələri kəsdiklərini elan etmişdilər.
Qətəri terror təşkilatlarına dəstək verməkdə günahlandıran Səudiyyə Ərəbistanı haqqında bilmədiyiniz ilginc faktları sizlərə təqdim edirik:
Ölkənin gəlirinin 45 faizini neft təşkil edir.
Səudiyyə Ərəbistanı ən çox hərbi xərcləri olan ölkələr sırasında 4-cü yerdədir. İlk “üçlük”də isə ABŞ, Çin və Rusiya yer alır.
Ölkədəki işçi qüvvəsinin 80 faizi xarici vətəndaşlardır.
Ölkədə işləyənlərin sayı təxminən 8.4 milyona yaxındır. Bundan 6 milyonu Səudiyyə Ərəbistanı vətəndaşı deyil.
Dünyanın ən böyük rezerv neft yatağı Səudiyyə Ərəbistanındadır.
Səudiyyə Ərəbistanının 75 milyard barrel neft ehtiyatı var.
Ölkənin səhiyyə xərcləri 20 milyard dollardan yuxarıdır.
Riyad ən böyük dəvə bazarıdır. Gün ərzində yüzlərlə dəvə alınıb satılır.
Dünyanın ən hündür binası Səudiyyə Ərəbistanında tikilir. 2013-cü ildə tikintisinə başlanılan binanın 2018-ci ildə təhvil verilməsi gözlənilir. Xərci isə təxminən 1.2 milyard dollardır.
Bu ölkənin bitməyən qəribəlikləri sırasında əhali üçün tətbiq olunan qadağalar da var:
Qadınlara avtomobil idarə etmək qadağandır.
Bu qadağa haqqında bir çoxlarınız məlumatlıdır. Qərb mədəniyyəti açıq yaşayış tərzi səbəbi ilə qadağan edilib.
Din və inanc azadlığı yoxdur.
Fərqli dinlərə inancı olan insanlar açıq yerlərdə, cəmiyyət arasında ibadətlərini edə bilməz. Dinini dəyişdirməyi tələb edənin isə cəzası ölümdür.
Ölkənin vətəndaşı olub-olmadığına fərq qoyulmadan Səudiyyə Ərəbistanında bütün qadınlar çarşabda gəzməlidir.
Kişilərin diqqətini çəkəcək şəkildə ayağın açıq olması, makiyaj və rəngli çarşab da qadınlara qadağandır.
Yeni doğulan körpələrə yalnız şəriət qanunlarına və Krallıq mədəniyyətinə uyğun adlar verilə bilər. Hətta qadağan olunmuş adların siyahısı belə, var.
Ölkədə çox nadir hallarda qar olsa da, qardan adam düzəltmək qadağan edilib. Səbəb isə qardan adamın büdpərəstliyə yönəlik çağırış hesab edilməsidir. Onlara görə də şəriət qanunlarına ziddir.
Eynicinsli insanların intim əlaqəsinin cəzası isə birbaşa ölümdür.
Qadın həkimin xəstə kişiyə müdaxilə etməsi qadağandır.
Tam tərsinə olan bir vəziyyətdə isə xəstə qadının yaxınları qərar verir. Bu vəziyyət əslində başqa peşələrə də aiddir.
2002-ci ildə kişi yanğınsöndürənlərə bir qızlar internatında çıxan yanğını söndürməyə icazə verməmişdilər. Nəticədə 15 azyaşlı qız ölmüşdü.
Səudiyyə Ərəbistanında “Sevgililər günü” də qadağandır. Hətta həmin gün qırmızı rəngli paltar geyinmək və qırmızı rəngdə nəsə satmaq da qadağandır.
Turan Oruc,
Musavat.com
