Ana səhifə / İqtisadiyyat / Ruslar nüvə qışına hazırlıq görür, müharibə lap tez başlaya bilər

Ruslar nüvə qışına hazırlıq görür, müharibə lap tez başlaya bilər

Rusiyanın Sankt-Peterburq şəhərində “Zenit-Arena” stadionunun tikintisini aparan menecerlərə Fövqəladə Hallar Nazirliyindən xəbərdarlıq gəlib ki, dərhal layihədə düzəliş edilsin və müharibə zamanı insanların sığınması üçün bunker inşa edilsin.

Virtualaz.org xəbər verir ki, bu haqda ABŞ-ın “The Daily Beast” nəşrinin məqaləsində deyilir.

Rusiyada 2018-ci ildə keçiriləcək Futbol üzrə Dünya Çempionatı üçün tikilən stadion şəhərdən kənarda yerləşir. Lakin FHN xəbərdarlıq edir ki, nüvə hücumu zamanı stadion “potensial dağıntı və radioaktiv çöküntü zonasında” yerləşəcək.

Sonuncu dəfə ruslar hakimiyyətdən nüvə müharibəsi zamanı potensial səfərbərliyə dair belə xəbərdarlığı 20 il əvvəl eşitmişdilər. Və həmin xəbərdarlığa heç məhəl qoyan olmamışdı. İndi isə Kreml zarafat etmir.Rusiyada bu yaxınlarda 40 milyon adamın cəlb olunduğu mülki müdafiə təlimləri keçirilib, insanlara nüvə müharibəsi zamanı harada gizlənmək və hara qaçmaq barədə təlimatlar veriblər.

Xəbər verildiyi kimi bu günlərdə Rusiya prezidenti Vladimir Putin hərbi təyinatlı plutonium ehtiyatlarının ləğvinə dair ABŞ-la imzalanmış müqavilədən çıxmaq barədə qərar verib. Bu, Birləşmiş Ştatlarla Rusiya arasında gərginliyin getdikcə artdığı, Rusiyanın “nüvə dəyənəyi”ni getdikcə daha tez-tez yellədiyi bir vaxtda baş verir.

“Bu, Moskva ilə Vaşinqton arasında son onilliklər ərzində ən ciddi gərginlikdir”-Rusiya İctimai Palatasının üzvü Sergey Markov deyir.“Müharibə hətta  ABŞ-dakı noyabr seçkilərinə qədər başlaya bilər”-o əlavə edir.

Markov bildirir ki, o, şəxsən özü potensial hərbi böhrana hazırlaşmaq üçün 200 banka pörtlədilmiş mal əti ehtiyatı yığmağı planlaşdırır. “Hamıya da bunu məsləhət görürəm”-Markov bildirir.

Həmçinin oxuyun

Gömrük xətti ilə büdcə daxilolmaları AZALDI 

Cari ilin yanvar-fevral aylarında gömrük orqanlarının xətti ilə dövlət büdcəssinə 485 milyon 613.7 min manat …

Bir cavab yazın