Rus döyüş təyyarələrinin Suriyada hava əməliyyatları keçirdiyi bir vaxtda, Rusiya televiziyasının hava proqnozunu təqdim edən aparıcı skandala imza atıb.
Avropa.info xəbər verir ki, “Rossiya 24″ telekanalının aparıcısı Suriyadakı hava vəziyyətindən danışarkən ” Suriyada hava şəraiti bombardıman üçün mükəmməl olacaq” deyib.
Dövlətə məxsus “Rossiya 24” telekanalında bir döyüş təyyarəsi görüntüsünün qarşısında duran qadın diktor, Suriyada havanın az buludlu olacağını bildirərək, “Buludlar uçuşu çətinləşdirməyəcək, idarə olunan silah sistemlərinə də təsir etməyəcək” deyib.
Diktor sözlərinə davam edərək ekspertlərin Suriyada əməliyyat vaxtının çox yaxşı seçildiyini qeyd edib.