Cümə axşamı , Dekabr 1 2022
Ana səhifə / İqtisadiyyat / “Romgaz” və SOCAR arasında əməkdaşlığa dair Anlaşma Memorandumu imzalanıb

“Romgaz” və SOCAR arasında əməkdaşlığa dair Anlaşma Memorandumu imzalanıb

Bu gün Azərbaycan Dövlət Neft Şirkəti (SOCAR) və Rumıniyanın “Romgaz” şirkəti arasında əməkdaşlığa dair Anlaşma Memorandumu imzalanıb.

Bu barədə “Report”a iqtisadiyyat Nazirliyindən məlumat verilib.

Bildirilib ki, sənədi SOCAR-ın vitse-prezidenti Elşad Nəsirov və “Romgaz”ın baş direktorunun müavini Aristotel Cude imzalayıblar.

“Azərbaycan Prezidenti İlham Əliyevin bu ilin oktyabr ayının əvvəlində Bolqarıstana rəsmi səfəri zamanı Rumıniyanın Baş naziri Nikolae Çuke ilə görüşündə region ölkələri ilə enerji sahəsində əməkdaşlıq məsələsi müzakirə edilib, tərəfdaşlığın genişləndirilməsi istiqamətləri müəyyən olunub. Bu istiqamətlərə uyğun olaraq, iqtisadiyyat naziri Mikayıl Cabbarovun, energetika naziri Pərviz Şahbazovun və SOCAR rəhbərliyinin daxil olduğu nümayəndə heyətinin Rumıniyaya səfəri baş tutub”, – məlumatda deyilir.

Anlaşma Memorandumunun imzalanması əlaqədar keçirilən tədbirdə Avropanın enerji təhlükəsizliyində Azərbaycanın mühüm rolu, Rumıniya ilə iqtisadiyyatın bir sıra sahələrində əlaqələrin inkişaf etdiyi vurğulanıb, SOCAR-ın bu ölkədəki fəaliyyəti qeyd edilib, energetika, o cümlədən bərpa olunan enerji əməkdaşlığının gücləndirilməsi imkanları barədə fikir mübadiləsi aparılıb.

Həmçinin oxuyun

İdxal az olarsa, basılmaz Vətən – TƏHLİL

İkinci Dünya müharibəsindən sonra ərzaq təhlükəsizliyi mövzusu qlobal miqyasda heç vaxt bu il olduğu qədər …