Azinforum.az İnformasiya Portalı Onlayn Xəbər Portalı
Çinin Huangluo kəndində saç qadınların ən qiymətli varlığıdır.
Digər bir çox Çin kəndində olduğu kimi Hunagluoda da çox cəlbedici təbii gözəlliklərə malik və turistlərin marağını çəkən keçmişdən qalma çox maraqlı ənənələr var. Ancaq kəndin ən diqqətçəkici xüsusiyyəti qadınların uzun saçlarına görə lovğalıq və təkəbbür hissidir.
Qızıl Yao qadınları üçün saçın çox böyük rolu var. Onlar sahib olduqları uzun saçın uzun ömür və zənginlik gətirdiyinə inanırlar. Huangluoda 120 qadının saçının uzunluğu orta hesabla 1.7 metrdir. Hətta aralarında saçı 5.5 metr olan bir azlıq qrup da var.
Bu Çinli qadınlar həyatlarında yalnız bir dəfə saçlarını kəsirlər. O da on altı yaşında, özlərinə adaxlı axtarmağa başlamazdan əvvəl.
Huangluoda bütün qadınların saç şəkli bir məcməyi kimidir. Bu saç stili onlar haqqında bəzi təfərrüatları da ortaya qoyur. Məsələn, saç yalnız başda düyünlənibsə, o qadının evli, amma uşaq sahibi olmadığı anlaşılır. Qadınlar öndən kiçik bir topuzu varsa, həm evli, həm də uşaq sahibidirlər. Saçına bir baş örtüyü taxıbsa, subay və sevgili axtarır mənasına gəlir.
Qızıl Yao qadınlarının tünd rəngli saçlarının özünəməxsus gözəlliyi həm də tünd rəngindədir.
Bu gözəlliyin sirrinin saçlarını düyü bulyonuyla yumaqda olduğunu söyləyirlər.
Moderator.az həmin kənddəki uzun saçlı qadınların bir-birindən maraqlı fotolarını təqdim edir:
