Azinforum.az İnformasiya Portalı Onlayn Xəbər Portalı
Rusiya prezidenti Vladimir Putinin eks-həyat yoldaşı Lyudmilanın yenidən ailə qurması faktı təsdiqlənib.
“Qafqazinfo” Rusiya KİV-nə istinadən xəbər verir ki, Korrupsiya ilə Mübarizə Fondu “Sobesednik” jurnalında yayımlanan materialı araşdırdıqlarını bəyan edib. Qeyd edək ki, həmin materialda Putinin keçmiş arvadının soyadını dəyişməsi və daşınmaz əmlakla bağlı həyata keçirdiyi əməliyyatlar dərc edilmişdi.
Fond Lyudmila Putinanın soyadının Oçeretnıy soyadı ilə dəyişdirildiyini təsdiqləyib. Lyudmilanın hazırki əri Artur Oçeretnıy isə artıq uzun illərdir ki, eks-birinci ledinin himayədarlıq etdiyi Şəxsiyyətlərarası Əlaqələrin İnkişafı Mərkəzinə rəhbərlik edir. Otuz yeddi yaşı olan Artur Lyudmiladan 20 yaş kiçikdir.
