Putin Ukrayna ilə azad ticarət zonasını bağladı

Rusiya prezidenti Vladimir Putin Ukrayna ilə azad ticarət zonası haqqında razılaşmanın 2016-cı ilin yanvarından 1-dən dayandırılması barədə fərman imzalayıb.

Oxu.Az xəbər verir ki, müvafiq məlumat RF hüquqi informasiya portalında yerləşdirilib.

Qərar “müstəsna şərait, maraqlar və dövlətin iqtisadi təhlükəsizliyi” kimi faktorlar nəzərə alınaraq qəbul edilib.

Rusiya XİN rəsmi Kiyevi müqavilənin ləğv edilməsi ilə bağlı məlumatlandırmalıdır.