Professor: “Biznes fəaliyyəti ilə məşğul olanlar tələbatın azalmasına hazır olmalıdırlar”

Azərbaycan Dövlət İqtisad Universitetinin (UNEC) professoru Elşad Məmmədov deyir ki, elektron ticarətin artımı bütövlükdə iqtisadi proseslərə və cəmiyyətdə baş verən işgüzar fəallığın azalması dinamikasına uyğundur

Rusiyada kişilər onlayn ticarət zamanı qadınlardan 30% daha bədxərcdirlər. Bu, “Russkiy standart” bankının apardığı araşdırma nəticəsində məlum olub.

Azərbaycan Dövlət İqtisad Universitetinin (UNEC) professoru Elşad Məmmədov Sputnik Azərbaycan-a deyir ki, hazırkı şəraitdə elektron ticarətin artımı gözləniləndir:

“Elektron ticarətin artımı bütövlükdə iqtisadi proseslərə və cəmiyyətdə baş verən işgüzar fəallığın azalması dinamikasına uyğundur. Biznes fəaliyyəti ilə məşğul olan fiziki və hüquqi şəxslər bir sıra istiqamətlər üzrə xidmət və əmtəələrə tələbatın azalmasına hazır olmalıdırlar”.