Şənbə , İyul 4 2020
Ana səhifə / İqtisadiyyat / Prezident İlham Əliyevlə Davudoğlunun görüşü – VİDEO

Prezident İlham Əliyevlə Davudoğlunun görüşü – VİDEO

Prezident İlham Əliyevin yanvarın 20-də Davosda Türkiyə Respublikasının Baş naziri Əhməd Davudoğlu ilə görüşü olub.
BAKU.WS-in məlumatına görə, baş nazir Əhməd Davudoğlu Türkiyə Prezidenti Rəcəb Tayyib Ərdoğanın salamını dövlətimizin başçısına çatdırdı.
Görüşdə ölkələrimiz arasında dostluq və qardaşlıq münasibətlərinin bütün sahələrdə yüksək səviyyədə inkişafından məmnunluq ifadə olundu. Yüksək səviyyədə mütəmadi görüşlərin əməkdaşlığımızın genişləndirilməsi baxımından əhəmiyyəti qeyd edildi. Beynəlxalq səviyyəli tədbirlərdə Azərbaycanın və Türkiyənin birgə iştirakının önəmi vurğulandı.
Söhbət zamanı Ermənistan-Azərbaycan, Dağlıq Qarabağ münaqişəsi, iqtisadi əməkdaşlığın daha da genişləndirilməsi, qarşılıqlı maraq doğuran digər məsələlər ətrafında fikir mübadiləsi aparıldı.
Prezident İlham Əliyev Türkiyə dövlətinin başçısının salamına görə minnətdarlığını bildirdi, onun da salamını Prezident Rəcəb Tayyib Ərdoğana çatdırmağı xahiş etdi.

Həmçinin oxuyun

Azərbaycanda siqaretin qiymətini kimlər qaldırır?

Bir neçə gündür ki, Azərbaycanda siqaret və digər tütün məmulatlarının qiymətinin 15 faiz artması gözlənilirdi. …

Bir cavab yazın