Çərşənbə axşamı , Noyabr 19 2019
Ana səhifə / İqtisadiyyat / Ölkəyə gətirilən hibrid avtomobillərin sayı artıb

Ölkəyə gətirilən hibrid avtomobillərin sayı artıb

“Azərbaycana hibrid avtomobillərin gətirilməsi halları artır”. 
Bunu “Report”a müsahibəsində Dövlət Gömrük Komitəsinin (DGK) Gömrük Tariflərinin Tənzimlənməsi və Ödənişlər Baş İdarəsinin rəisi Mirqasım Vahabov bildirib.
Onun sözlərinə görə, 2018-ci ildə ölkəyə 146 sayda hibrid minik avtomobili idxal olunduğu halda, 2019-cu ilin 9 ayı ərzində ölkə ərazisinə gətirilən 609 ədəd hibrid minik avtomobili sərbəst dövriyyəyə buraxılıb.
M.Vahabov bildirib ki, qeyd olunan minik avtonəqliyyat vasitələrinin ölkəyə gətirilməsi ilə bağlı təşviqedici layihələr aidiyyəti mərkəzi icra orqanları ilə birgə müzakirə edilməkdədir: “Hibrid mühərrikli minik nəqliyyat vasitələrinin gömrük rəsmiləşdirilməsi zamanı ödənilən gömrük ödənişləri digər daxili yanma mühərrikli minik avtomobillərə münasibətdə tətbiq olunan vergi və rüsumlarla eynilik təşkil edir. Mənşə ölkəsindən, gömrük dəyərindən, mühərrikin həcmindən, eləcə də istehsal buraxılış ilindən asılı olaraq gömrük ödənişləri tətbiq edilir”.
M.Vahabovla geniş müsahibəni gələn həftənin bazar ertəsi “Report”da oxuya bilərsiniz. 

Həmçinin oxuyun

“Sığorta şirkətləri ödəniş etməmək üçün o qədər bəhanə gətirirlər ki…” – PROBLEM

Bir müddət öncə gecə radələrində təcili olaraq mənzil başına çatmaq üçün taksi xidmətindən istifadə etdik. …