Nazirlik Kəlbəcərdə 16 milyon manata məktəb tikir

Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsinin keçirdiyi tender müsabiqəsinin qalibi “Art-Proje” MMC olub.
Yeniavaz.com xəbər verir ki, İdarə Kəlbəcər şəhərində 960 şagird yerlik tam orta məktəb binasının tikintisi işlərinin satınalınmasına görə “Art-Proje” MMC-yə 16 milyon 34 min 76 manat ödəyəcək.
Nizamnamə kapitalı 1 milyon 370 min 10 manat olan “Art-Proje” MMC-nin hüquqi ünvanı Sumqayıt şəhəri, Novxanı bağ massivi, ev 4829A-də yerləşir. Şirkətin qanuni təmsilçisi Əliyev Əkram Musa oğludur.