Nazir: “Azərbaycanda qazın qiyməti o qədər də yüksək deyil”

Azərbaycanda istehlakçılara satılan təbii qazın pərakəndə qiyməti o qədər də yüksək deyil”.

Bunu noyabrın 6-da maliyyə naziri Samir Şərifov Milli Məclisdə gələn ilin dövlət büdcəsinin müzakirəsi zamanı deyib. 

Qaz limiti ilə bağlı danışarkən nazir qeyd edib ki, qaz limiti kifayət qədər mürəkkəb məsələdir: 

“Sosial həssas əhali üçün müəyyən qədər qaz limiti qoyulub. Həmin limit çərçivəsində qazın qiyməti daha ucuzdur. Limitdən yuxarı hissə isə bahadır”.

Nazir vurğulayıb ki, bu, o qədər də sadə məsələ deyil: “Biz bunu açıq etiraf etməliyik”.

Samir Şərifov çıxışında inflyasiya məsələsinə də toxunub. Onun sözlərinə görə, Azərbaycanda 2023-cü ilin sonuna inflyasiyanın birrəqəmli olması gözlənilir. Report