Bazar ertəsi , Yanvar 25 2021
Ana səhifə / İqtisadiyyat / “Moody’s”: Azərbaycanda islam bankçılığının inkişaf potensialı aşağıdır

“Moody’s”: Azərbaycanda islam bankçılığının inkişaf potensialı aşağıdır

“Moody’s” beynəlxalq reytinq agentliyi Azərbaycanda islam bankçılığının inkişaf potensialının aşağı olduğunu qeyd edir.

“İnterfaks-Azərbaycan”ın verdiyi məlumata görə, “Moody’s” mütəxəssisləri MDB ölkələrində İslam bankçılığının inkişaf perspektivləri barədə hesabatda bildirirlər ki, müsəlman əhalisinin çoxluğuna baxmayaraq, Azərbaycanda islam bankçılığının inkişaf perspektivləri zəifdir.

Agentliyin analitiklərinin fikrincə, Azərbaycan hökuməti hazırda islam bankçılığının inkişafını planlaşdırmır, çünki onun diqqəti dünyəvi dövlətin və iqtisadiyyatın yaradılmasına köklənib.

“Hökumətə aid olan Azərbaycan Beynəlxalq Bankı “islam pəncərəsini” bağlayıb və ölkədə ixtisaslaşdırılmış islam bankı artıq yoxdur. 2018-ci ildə ölkə islam maliyyələşdirməsi üzrə qanunvericiliyin hazırlanmasında texniki köməyə dair İslam İnkişaf Bankı ilə razılaşma imzalayıb, lakin sektorun inkişafına qətiyyətli dövlət müdaxiləsi olmadan onun artması məhdud olacaq”, – deyə agentliyin mütəxəssisləri bildirirlər.

İslam İnkişaf Bankı 1991-2018-ci illərdə Azərbaycana 1,387 milyard dollarlıq kredit ayırıb.

Həmçinin oxuyun

Nazirlər Kabineti 2021-ci il üçün prioritetləri müəyyənləşdirdi — FOTO

Bu gün Baş nazir Əli Əsədovun sədrliyi ilə Nazirlər Kabinetinin müşavirəsində Prezident İlham Əliyevin sədrliyi …