İran paytaxtında yeni tikilən metro tunelində çökmə baş verib.
Moderator.az-ın Amerikanın “Fox News” nəşrinə istinadla verdiyi xəbərə görə, faciə nəticəsində 3 fəhlə həlak olub, 6-sı yaralanıb.
16 nəfərin isə itkin düşdüyü bildirilir. Qeyd edilir ki, Tehran metrosunda 180 km uzunluğunda 5 xətt mövcuddur. 2018-ci ilədək daha iki xətti tikmək planlaşdırılır. Verilən xəbərdə uçan tunelin hələ istifadəyə verilmədiyi qeyd edilir.