Bazar ertəsi , Oktyabr 26 2020
Ana səhifə / İqtisadiyyat / Konstitusiyaya dəyişikliklər layihəsi TBMM-ə təqdim olunub

Konstitusiyaya dəyişikliklər layihəsi TBMM-ə təqdim olunub

Türkiyə konstitusiyasına prezident idarəçiliyi üsuluna keçid müddəasıda olmaqla dəyişikliklər paketi müzakirə olunması üçün Böyük Millət Məclisinə təqdim edilib.  

Qanun layihəsi dəyişikliklərin təşəbbüskarı olan hakim Ədalət və İnkişaf Partiyası fraksiyası tərəfindən təqdim edilib.

Qeyd edək ki, konstitusiyaya əsas dəyişiklik Türkiyənin parlament sistemindən prezident idarəetmə sisteminə keçidi və baş nazir postunun ləğv edilməsini nəzərdə tutur.

Layihə, həmçinin, prezidentə partiya üzvlüyünü saxlanılmasını, qanunverici və icra səlahiyyətlərinin genişləndirilməsini, habelə Nazirlər Kabinetini formalaşdırmaq hüququnun verilməsini nəzərdə tutur.

Dəyişikliklər, həmçinin, millət vəkillərinin sayını 550-dən 600-dək artırılmasını və namizədlərin minimal yaş həddinin 18 yaşadək endirilməsini nəzərdə tutur.

Layihə parlament tərəfindən qəbul edildiyi təqdirdə ümummilli səsverməyə çıxarılacaq. Dəyişikliklər paketinin dəstəklənəcəyi halda referendumun 2017-ci ilin yazında keçirilməsi mümkündür.

Dəyişikliklər referendum zamanı dəstəklənərsə, təkliflərin bir qismi səsvermədən dərhal sonra qüvvəyə minəcək. Prezident idarəetmə sisteminə keçidi nəzərdə tutan müddəanın isə yalnız  2019-cu ildə – növbəti prezident seçkilərindən sonra qüvvəyə minməsi mümkündür.

Həmçinin oxuyun

Ermənistan işğalı kənd təsərrüfatımıza 20 milyard manatdan çox zərər vurub

Kənd Təsərrüfatı Nazirliyi yanında Aqrar Tətqiqatlar Mərkəzinin hesablamalarına görə, Ermənistanın işğalı nəticəsində Azərbaycanın kənd təsərrüfatına 20 …

Bir cavab yazın